Íþróttahátíð Kópavogs - þátttaka á alþjóðlegum mótum/keppnum

Við afgreiðslu íþróttaráðs á síðasta fundi ráðsins og á íþróttahátíð Kópavogs vegna þátttöku í alþjóðlegum mótum, urðu þau mistök að nafn Brynjólfs Óla Karlssonar sundmanns úr Breiðabliki vantaði en hann tók þátt í Ólympíuleikum ungmenna í Buenos Aires sl. sumar.

Íþróttaráð biðst velvirðingar á þessum mistökum og óskar Brynjólfi Óla til hamingju með viðurkenninguna. Brynjólfur Óli hefur fengið viðurkenningu sína frá ráðinu.

Starfsmönnum ráðsins var falið á síðasta fundi að leggja fram tillögur er varða viðurkenningar til íþróttafólks úr Kópavogi vegna þátttöku í alþjóðlegum mótum/keppnum.

Lögð fram tillaga að útfærslu ráðsins í þessu sambandi.

Íþróttaráð Kópavogs samþykkir að veita íþróttafólki úr Kópavogi viðurkenningu íþróttaráðs sem hafa á árinu 2018 tekið þátt í keppnum í meistaraflokki sem falla undir Evrópumót og heimsmeistaramót eða mótum innan Ólympíuraða óháð aldri.

Eftirtalið íþróttafólk fær viðurkenningu íþróttaráðs árið 2018 vegna þátttöku:

Á Evrópumeistaramóti

Alexander Sigurðsson, Eysteinn Máni Oddsson, Karitas Inga Jónsdóttir, Kristín Amalía Líndal, Margrét Lúðvígsdóttir, Sólveig Bergsdóttir og Valgerður Sigfinnsdóttir í hópfimleikum, Sindri Hrafn Guðmundsson í spjótkasti í frjálsum íþróttum og Birgir Leifur Hafþórsson landsliða atvinnumanna í golfi þar sem hann varð Evrópumeistari landsliða ásamt þrem öðrum kylfingum.

Á Heimsmeistaramóti

Sonja Margrét Ólafsdóttir í áhaldafimleikum, Svana Katla Þorsteinsdóttir karate (kata), Ellen Ýr Jónsdóttir í kraftlyftingum, Elvar Kristinn Gapunay og Kayleigh Andrews í 10 dönsum, Bára Einarsdóttir og Jón Þór Sigurðsson í Skotíþróttum.

Á Evrópu- og Heimsmeistaramóti

Agnes Suto Tuuha, Eyþór Örn Baldursson , Thelma Aðalsteinsdóttir og Valgarð Reinhardsson í áhaldafimleikum, Aron Snær Júlíusson landsliða í golfi og Ingvar Ómarsson í fjallahjólreiðum.

Á Ólympíuleikum Ungmenna

Martin Bjarni Guðmundsson í áhaldafimleikum, og Hulda Clara Gestsdóttir og Ingvar Andri Magnússon í golfi.

Umræður um dagskrá íþróttahátíðar er varðar þátttöku íþróttafólks úr Kópavogi á alþjóðlegum mótum/keppnum. Starfsmönnum falið að leggja fram tillögur um málið á næsta fundi ráðsins.