Fulltrúar Pírata, Samfylkingar og BF Viðreisnar leggja til útvíkkun á stefnu Kópavogsbæjar gegn einelti, kynferðislegri og kynbundinni áreitni og ofbeldi

Frá verkefnastjóra stjórnsýslusviðs, dags. 16. júlí, lögð fram umsögn um tillögu á útvíkkun á stefnu bæjarins gegn einelti, kynferðislegri og kynbundinin áreitni og ofbeldi þannig að hún nái einnig yfir kjörna fulltrúa.

Lagt fram.

Fyrirliggjandi tillögu frestað.

Frá fulltrúum Pírata, Samfylkingar og BF Viðreisnar, tillaga um að stefna Kópavogsbæjar gegn einelti, kynferðislegri og kynbundinni áreitni og ofbeldi verði útvíkkuð þannig að hún nái jafnframt til kjörinna fulltrúa.

Fulltrúar Pírata og Samfylkingar lögðu fram eftirfarandi bókun:

"Stjórnendum vinnustaða ber samkvæmt lögum um aðbúnað, hollustuhætti og öryggi á vinnustöðum nr. 46/1980 að tryggja gott vinnuumhverfi. Stjórnendum ber að greina áhættuþætti eineltis, kynferðislegrar áreitni, kynbundinnar áreitni og ofbeldis á vinnustað og út frá þeirri starfsemi sem þar fer fram. Stefna Kópavogsbæjar gegn einelti, kynferðislegri og kynbundinni áreitni og ofbeldi tekur á þessu en eins og stendur fjallar hún eingöngu um starfsfólk bæjarins. Eðlilegt væri að hún næði jafnframt til kjörinna fultrúa, líkt og fordæmi eru fyrir hjá öðrum sveitarfélögum, t.a.m. Seltjarnarnesbæ.



Á fundi bæjarstjórnar þann 12. desember 2017 óskaði bæjarstjóri eftir því að tekið yrði til umræðu kynferðisofbeldi og áreiti og hvernig koma mætti í veg fyrir slíkt athæfi á vettvangi stjórnmála og á vinnustöðum sveitarfélagsins. Bæjarstjórn bókaði eftirfarandi:



Bæjarstjórn samþykkti með 11 atkvæðum eftirfarandi ályktun:

"Bæjarstjórn Kópavogs lýsir yfir ánægju með það frumkvæði sem konur í stjórnmálum landsins hafa tekið undir merkjum "Í skugga valdsins". Kópavogsbær hefur í stefnum um einelti og í jafnréttis- og mannréttindamálum bæjarins sett fram skýra sýn í þessum efnum og er með viðbragðsáætlanir skrifaðar inn í stefnurnar og í gæðakerfi bæjarins. Þar kemur skýrt fram að; kynferðisleg áreitni er ekki undir nokkrum kringumstæðum liðin hjá bænum. Bæjarstjórn hefur það hlutverk að hafa frumkvæði í umræðunni um leið og stefnur og áætlanir bæjarins eru í sífelldri endurskoðun."



Í ljós hefur komið að stefnur og ferlar eiga ekki við um kjörna fulltrúa. Því óskum við eftir því að stefnur og áætlanir fari í endurskoðun með því markmiði að stefnur og ferlar nái jafnframt til kjörinna fulltrúa.

Pétur Hrafn Sigurðsson, Sigurbjörg Erla Egilsdóttir"

Bæjarráð vísar erindinu til bæjarritara til umsagnar og að haft verði samráð við Samband íslenskra sveitarfélaga við úrvinnslu umsagnar.

Karen Halldórsdóttir lagði fram eftirfarandi bókun:

"Lögbundið er að við upphaf kjörtímabils skal yfirfara siðareglur kjörinna fulltrúa og stendur sú vinna yfir í forsætisnefnd.

Karen Halldórsdóttir"