Æfingtöflur veturinn 2019-20 - Rammi til úthlutunar

Lagt fram svar Breiðabliks dags. 7. febúar sl., vegna bókunar íþróttaráðs frá 3. okt. sl., "um nýtingu á þeim gerigrasvöllum sem Breiðablik hefur til umráða" á líðandi tímabili.

Fulltrúar knattspyrnudeildar Breiðabliks þeir Vilhjálmur Kári Haraldsson og Hákon Sverrisson mættu á fund Íþróttaráðs og fóru vel yfir tímatöflu knattspyrnudeildar Breiðabliks. Íþróttaráð þakkar þeim fyrir góða kynningu og útskýringar á flæði allra flokka á hverjum degi fyrir sig, framsetning mjög upplýsandi fyrir starfsemi deildarinnar. Á fundi íþróttaráðs þann 3. október sl. var fjallað um ramma til úthlutunar á æfingatíma á Kópavogsvelli. Þær upplýsingar sem nú liggja fyrir eru í veigamiklum atriðum ítarlegri en þau gögn sem lágu fyrir á fundi Íþróttaráðs þann 3. október sl. Samkvæmt þeim gögnum sem nú liggja fyrir er nýting knattspyrnudeildar Breiðabliks að ná yfir meira og minna alla lausa tíma á öllum þeim völlum sem félagið hefur til ráðstöfunar. Íþróttaráð þakkar Vilhjálmi Kára og Hákoni fyrir greinargóðar upplýsingar.

Varðandi úthlutun æfingatíma á Kópavogsvelli, óskaði íþróttaráð eftir sviðsmyndagreiningu á því hvað kostnaður breytist mikið vegna tímúthlutunar miðað við 5 , 6 og 7 tíma notkun á dag yfir vetrarmánuðina.

Lögð fram greining kostnaðar miðað við aukna nýtingu vallarins og jafnframt framsett æfingatafla Knattspyrnudeildar Breiðabliks á gervigrasvöllum í Fífu, á Kópavogsvelli og í Fagralundi fyrir veturinn 2019-2020.

Almennar umræður. Á fundinum voru lagðar fram töflur um nýtingu á knattspyrnuaðstöðu á gervigrasvöllum í Fífunni, Kópavogsvelli og Fagralundi. Þá voru lagðar fram upplýsingar um kostnað við aukna notkun á Kópavogsvelli umfram þær áætlanir sem upphaflega voru lagðar fram af hálfu Íþróttadeildar Kópavogsbæjar og viðmið sem keppnisvellir þurfa að uppfylla til þess að heimilt verði að nýta þá sem keppnisvelli.

Þegar tímatöflurnar eru skoðaðar nánar kemur í ljós að nýting félagsins á Fagralundi takmarkast við aðra flokka en elstu iðkendur félagsins og heilu dagarnir sem völlurinn er ekkert nýttur. Það er mat nefndarinnar að það séu ekki forsendur fyrir því að samþykkja aukna nýtingu á Kópavogsvelli en upphaflega tillagan gerði ráð fyrir, þegar nýting á Fagralundi er ekki meiri en raun ber vitni, sérstaklega hvað varðar elstu aldursflokkana sem ekkert nýta aðstöðu Fagralundar.

Varðandi úthlutun á tímum í Fífunni til Breiðabliks, umfram nýtingu á árunum 2017 - 2018, þá telur íþróttaráð sig ekki hafa forsendur til að leggja til fjölgun á tímum til afnota fyrir Breiðablik í Fífunni vegna ársins 2019 - 2020 þegar nýting utanhúss yfir vetrarmánuðina er ekki meiri en raun ber vitni, þar sem heilu dagarnir eru án nýtingar eins og að framan greinir og fram kemur í þeim gögnum sem Breiðablik hefur lagt fram vegna komandi tímabils.

Fyrir fundinum lágu tillögur íþróttadeildar um úthlutun æfingatíma til knattspyrnudeilda HK og Breiðabliks fyrir veturinn 2019-20.

Jafnframt var lagt fram erindi SÍK, dags. 20. ágúst fyrir hönd knattspyrnudeilda Breiðabliks og HK, þar sem m.a. er óskað eftir að fá úthlutað fleiri æfingatímum í Fífunni óg Kópavogsvelli heldur en tillögur íþróttadeildar gera ráð fyrir, sem og hliðrun tíma í Kórnum um 1/2 klst. frá 20:00 til 20:30.

Varðandi úthlutun á tímum í Kórnum þá mælir íþróttaráð með því að HK verði úthlutað tímum til kl. 20:30 miðað við að starfsemi hefjist kl. 14:30.

Varðandi úthlutun á tímum í Fífunni mælir íþróttaráð með óbreyttum tímafjölda frá fyrra tímabili.

Varðandi úthlutun tíma á Kópavogsvelli þá óskar íþróttaráð eftir sviðsmyndagreiningu á því hvað kostnaður breytist mikið vegna tímúthlutunar miðað við 5 , 6 og 7 tíma notkun á dag yfir vetrarmánuðina. Jafnframt því hvort hægt sé að mæta fjölgun tíma með mótvægisaðgerðum yfir sumarmánuðina.

Lagt fram minnisblað frá formanni SÍK um tillögu að úthlutun æfinga- og keppnistíma í íþróttamannvirkjum bæjarins á komandi vetri, ásamt fylgiskjali. Jafnframt lagður fram tölvupóstur dag. 21.maí sl., með viðbrögðum Breiðabliks við tillögu að úthlutun æfingatíma í Fífunni á kvöldin.

Íþróttaráð samþykkir fram lagða tillögu sem byggir á úthlutun æfingatíma síðasta árs þó með örfáum undantekningum.

Lagðar fram tillögur íþróttadeildar um ramma til úthlutunar æfinga- og keppnistímum til íþróttafélaganna í Kópavogi, á knattspyrnuvöllum bæjarins nú í sumar sem og næsta vetur (2019-20).

Íþróttaráð fagnar því hversu vel hefur verið tekið á aðstöðumálum knattspyrnunnar í Kópavogi. Hrein aukning nýtanlegra æfinga- og keppnistíma eykst um 80% milli ára. Íþróttaráð vísar tillögu deildarinnar til SIK/íþróttafélaganna til umsagnar.

Lagðar fram tillögur íþróttadeildar að ramma til úthlutunar æfingatíma/-taflna í íþróttamannvirkjum Kóapvogsbæjar fyrir starfsárið 2019-2020.

Íþróttaráð samþykkir tillögu íþróttadeildar að ramma að úthlutun tímataflna fyrir íþróttahús bæjarins.