Kópavogsvöllur - Frjálsíþróttaaðstaða

Greint frá stöðu framkvæmda við kastsvæði Breiðabliks og þeim breytingum lagt er til að gerðar verði frá fyrstu drögum sem lágu til grundvallar fjárhagsáætlun fyrir verkið í byrjun árs. Hönnun og útfærsla svæðisins hefur verið unnið í nánu samráði við Breiðablik sl. vikur.

Sú tillaga sem nú er til skoðunar er til þess fallin að bæta mjög æfingaaðstöðu Frjálsíþróttadeildar Breiðabliks borið saman við upphaflega tillögu. Íþróttaráð vonast til að unnt verði að ráðast í þær framkvæmdir sem lýst er við fyrsta tækifæri og lýsir yfir ánægju með að samráð hafi verið haft við Breiðablik sem lagði fram þá tillögu sem hér um ræðir.