Kársnes. Vesturvör og Bakkavör. Útfærsla á göturými.

Kynning frá skipulagsdeild. Birgir Sigurðsson skipulagsstjóri gerir grein fyrir málinu.

Hafnarstjórn lýsir yfir ánægju með fyrirliggjandi útfærslu.

Lögð fram tillaga Péturs Jónssonar og Höllu Hrundar Pétursdóttur, landslagsarkitekta Eflu verkfræðistofu að útfærslu á göturými Vesturvarar og Bakkavarar og umhverfi Kársneshafnar. Uppdrættir ásamt skýringarmyndum dags. í apríl 2019.

Umhverfis- og samgöngunefnd hafnar framlagðri tillögu og felur umhverfissviði að leggja fram aðrar tillögur í samræmi við hönnunarviðmið SSH um hjólreiðar og að göngustígar séu amk 2 metrar að breidd. Hugað verði betur að umferðarflæði og umferðaröryggi með tilliti til þverana og að í nýrri tillögu verði dregið verulega úr þverunum akandi yfir hjólastíga. Skoðaður verði sérstaklega fýsileiki þess að gera Bakkabraut að einstefnugötu.

Lögð fram tillaga Péturs Jónssonar hjá Eflu verkfræðistofu að útfærslu á göturými Vesturvarar og Bakkavarar og umhverfi Kársneshafnar. Uppdrættir ásamt skýringarmyndum dags. í apríl 2019. Pétur Jónsson og Halla Hrund Pétursdóttir gera grein fyrir málinu.

Lagt fram og kynnt.