Bæjarráð - 2957. fundur frá 09.05.2019

1810762 - Brekkuhvarf 1a og 1b. Breytt deiliskipulag.

Bæjarráð vísar málinu til bæjarstjórnar til afgreiðslu.

1803757 - Hundagerði í Kópavogi.

Bæjarráð vísar málinu til bæjarstjórnar til afgreiðslu.

Fundargerð í 20. liðum.

Lagt fram.

Hlé var gert á fundi kl. 18.15. Fundi var fram haldið kl. 18:28.

Fulltrúar Samfylkingar, BF-Viðreisnar og Pírata lögðu fram svohljóðandi bókun:

"Þar sem forseti hefur úrskurðað að ekki verði greidd atkvæði um þessi uppkaup á hesthúsalóðum á Glaðheimasvæðinu í bæjarstjórn þá viljum við undirrituð, sem hefðum setið hjá, bóka eftirfarandi:

"Bæjarfulltrúar Samfylkingar, Pírata og BF Viðreisnar geta ekki samþykkt uppkaup á ónýtu hesthúsi á Glaðheimasvæðinu fyrir einbýlishúsaverð. Hér er verið að setja endapunkt á glórulausa vegferð Sjálfstæðisflokks og Framsóknarflokks sem hófst með því að bjarga uppkaupsmönnum á hesthúsum á svæði hestamannafélagsins Gusts á árinu 2006. Þessi vegferð hefur vægt áætlað, kostað Kópavogsbæ tæplega 6 milljarða króna á verðlagi dagsins í dag, fyrir kaup á landi sem var þrátt fyrir allt í eigu Kópavogsbæjar. Er leitun að annarri framkvæmd sveitarfélags á Íslandi sem hefur skilað álíka tapi.

Pétur Hrafn Sigurðsson, Bergljót Kristinsdóttir, Theódóra Þorsteinsdóttir, Einar Örn Þorvarðarson, Sigurbjörg Erla Egilsdóttir"

Hlé var gert á fundi kl. 18.30. Fundi var fram haldið kl. 18.38.

Fulltrúar Sjálfstæðisflokks og Framsóknarflokks lögðu fram svohljóðandi bókun:

"Á Glaðheimasvæðinu hefur þegar verið úthlutað lóðum fyrir um 330 íbúðir í fyrsta áfanga og er flutt inn í stóran hluta þeirra. Úthlutunin í þessum fyrsta áfanga gaf tæplega 1,4 milljarða króna í bæjarsjóð auk gatnagerðargjalds, þessu til viðbótar munu tekjur af svæðinu nema ríflega hálfum milljarði á ári hverju inn í framtíðina í formi útsvars og fasteignagjalda. Næsta úthlutun í öðrum áfanga mun gefa í kringum 1,5 milljarð og að sama skapi ríflega hálfan milljarð í tekjur ár hvert. Samtals eru þetta því tæpir þrír milljarðar í úthlutun byggingarréttar og ríflega milljarður í tekjur ár hvert. Ekki er ljóst hverju áfangar 3 og 4 munu skila en þar er um talsverðar fjárhæðir að ræða. Þá er rétt að benda á að árið 1988 þegar hreinn meirihluti vinstri flokkanna var við völd í Kópavogi var gerður 50 ára samningur við hestamenn um Glaðheimasvæðið sem sýnir hversu skammt var hugsað.

Ármann Kr. Ólafsson, Margrét Friðriksdóttir, Karen Halldórsdóttir, Hjördís Ýr Johnson, Guðmundur Geirdal, Helga Hauksdóttir"

Hlé var gert á fundi kl. 18.40. Fundi var fram haldið kl. 18.56.

Fulltrúar Samfylkingar lögðu fram svohljóðandi bókun:

"Fyrst verið er að vitna í gamla samninga sem gerðir voru við hestamannafélagið Gust er nauðsynlegt að koma því á framfæri að þeir samningar sem gerðir voru í tíð Alþýðuflokks og Alþýðubandalags voru með fyrirvara um að þeir séu uppsegjanlegir án fyrirvara og án bóta. Það hefði því verið Kópavogsbæ í lófa lagið að taka Glaðheimalandið fyrir margfalt lægri upphæð en raun varð á.

Pétur Hrafn Sigurðsson, Bergljót Kristinsdóttir"

Fulltrúar Samfylkingar, BF-Viðreisnar og Pírata lögðu fram svohljóðandi bókun:

"Gagnrýnin snýr að því að hesthúsin voru keypt fyrir allt of háar fjárhæðir á sínum tíma sem endurspeglar verðið í dag. Ef faglega hefði verið staðið að málum hefði kostnaður orðið minni en Glaðheimalandið samt sem áður skilað Kópavogsbæ tekjum til framtíðar.

Pétur Hrafn Sigurðsson, Bergljót Kristinsdóttir, Theódóra Þorsteinsdóttir, Einar Örn Þorvarðarson, Sigurbjörg Erla Egilsdóttir"

Hlé var gert á fundi kl. 19.00. Fundi var fram haldið kl. 19.04.

Fulltrúar Sjálfstæðisflokks og Framsóknarflokks lögðu fram svohljóðandi bókun:

"Vegna bókunar fulltrúa Samfylkingar óskum við fært til bókar: Það hefði verið ómaklegt og fordæmalaust af hálfu bæjarins að eigendur hesthúsa fengju ekki sömu málsmeðferð og aðrir hafa fengið sem halda á lóðum Kópavogsbæjar.

Ármann Kr. Ólafsson, Margrét Friðriksdóttir, Karen Halldórsdóttir, Hjördís Ýr Johnson, Guðmundur Geirdal, Helga Hauksdóttir"