Tillaga Samfylkingar, BF Viðreisnar og Pírata að samgöngusamningum við starfsfólk Kópavogsbæjar

Frá bæjarfulltrúum Samfylkingar, BF Viðreisnar og Pírata, tillaga um að samgöngusamningar verði teknir í notkun hjá Kópavogsbæ frá og með 1. janúar 2020. Markmiðið með samgöngusamningum er að auka hlutfall starfsfólks sem nýtir vistvænar samgöngur vegna ferða til og frá vinnu og/eða vegna ferða í þágu vinnuveitanda.

Bæjarráð vísar erindinu til gerðar fjárhagsáætlunar 2020.

Fulltrúar BF-Viðreisnar, Pírata og Samfylkingar lögðu fram svohljóðandi bókun:

"Samgöngusamningar geta verið öflugt skref í baráttunni við loftslagsógnina. Í aðgerðaáætlun ríkisstjórnarinnar, þar sem unnið er eftir markmiðum Parísarsamkomulagsins, eru orkuskipti í samgöngum er annað af tveimur helstu áhersluatriðum. Með samgöngusamningum fyrir starfsfólk Kópavogsbæjar er auk þess verið að hvetja til hreyfingar, sem eflir lýðheilsu og dregur úr kostnaði vegna veikinda. Ennfremur er með þeim unnið gegn álagstoppum í umferðinni kvölds og morgna með því að ýta undir fjölbreyttari ferðamáta og bæta þannig umferðaröryggi vegfarenda.

Theódóra Þorsteinsdóttir, Sigurbjörg Erla Egilsdóttir, Bergljót Kristinsdóttir"