Fyrirspurn varðandi þjónustusamninga

Greinargerð deildarstjóra dags. 5. september 2019 lögð fram sem svar við bókun af fundi velferðarráðs dags. 26. ágúst 2019.

Lagt fram.

Kristín Sævarsdóttir og Donata H. Bukowska lögðu fram eftirfarandi bókun: "Fulltrúar Samfylkingarinnar í velferðarráði skora á bæjarstjórn Kópavogs að beita sér í að fjölga gildandi NPA samningum í Kópavogi. Alls eru um 70 NPA samningar í gildi á landinu og ættu því að vera 6-8 gildandi samningar í Kópavogi. Þeir eru aðeins þrír. Úr því verður að bæta."

Fundarhlé hófst kl. 17:24, fundi fram haldið kl. 17:41.

Fulltrúar Sjálfstæðisflokks og Framsóknarflokks lögðu fram eftirfarandi bókun:

"Í Kópavogi eru þrír NPA samningar í gildi, og eru tveir sem bíða samþykkis ríkisins, enda er fullgilding NPA samninga háð 25% framlagi ríkisins hverju sinni. Engri umsókn um samning hefur verið hafnað.

Það er í hugmyndafræði NPA að notandinn velji sjálfur þá þjónustuleið sem hans vilji stendur til. Í dag eru sjö þjónustusamningar utan NPA samninga virkir í Kópavogi. Guðmundur G. Geirdal, Karen E. Halldórsdóttir, Björg Baldursdóttir og Baldur Þór Baldvinsson."

Andrés Pétursson tók undir bókunina.

Kristin Sævarsdóttir og Donata Bukowska lögðu fram eftirfarandi fyrirspurn:

1. Hvað eru margir NPA samningar í boði af hálfu ríkisins hvert ár?

2. Hversu margir þeirra eru nýir?

3. Hversu margir standa íbúum Kópavogs til boða?

4. Hvað eru margir samningar í Kópavogi virkir í dag? Hversu stórir eru þeir? Óskað er eftir yfirliti yfir tímafjölda hvers og eins.

5. Hversu margar umsóknir liggja fyrir um NPA hjá Kópavogsbæ? Hvar eru þær staddar í ferlinu?

6. Hversu mörgum umsóknum hefur verið hafnað undanfarið ár?

7. Hversu mörgum niðurstöðum hefur verið áfrýjað eða kært til kærunefndar til Úrskurðarnefndar velferðarmála?

8. Hver er staðan í samningaviðræðum Kópavogs við velferðarráðuneytið um NPA?

9. Hvernig er mati á þörf á NPA háttað af hálfu Kópavogsbæjar?

Að auki óskar velferðarráð eftir sambærilegu yfirliti yfir þjónustu sem veitt er á grundvelli annarra þjónustusamninga við fatlað fólk; umfang þjónustunnar, fjöldi tíma, þróun síðustu ára og yfirlit yfir umsóknir sem synjað hefur verið.