Aðalskipulag Garðabæjar 2016-2030. Tillaga að breytingu á Vífilstaðalandi, þróunarsvæði B.

Lagt fram samkomulag við Garðabæ um vegtengingar í Hnoðraholti.

Lagt fram.

Frá bæjarstjóra, lögð fram drög að samkomulagi við Garðabæ um vegtengingar í Hnoðraholti.

Bæjarstjórn samþykkir með 8 atkvæðum og hjásetu Theódóru S. Þorsteinsdóttur, Ragnhildar Reynisdóttur og Sigurbjargar E. Egilsdóttur framlagt samkomulag við Garðabæ um vegtengingar í Hnoðraholti.

Bókun:

"Samkomulag þetta kemur til vegna athugasemda skipulagsstofnunar á nýjum rammahluta um Vífilsstaðaland í Garðabæ og við athugun á nýju aðalskipulagi Kópavogs. Samkomulagið snýr að því að koma vegi við Þorrasali í stokk eða fundin ný lega við mótun deiliskipulags golfvallar- og útivistarsvæðis.

Undirritaðar sitja hjá við afgreiðslu þessa samkomulags vegna óskýrleika, þ.e hvort stokkurinn komi, hvað hann kostar og hver borgi hann eða hvort fundin verði ný lega við mótun deiliskipulags golfvallarins þá á kostnað útisvistasvæðisins.

Theódóra S. Þorsteinsdóttir og Ragnhildur Reynisdóttir."

Frá bæjarstjóra, lögð fram drög að samkomulagi við Garðabæ um vegtengingar í Hnoðraholti.

Frá bæjarstjóra, lögð fram drög að samkomulagi við Garðabæ um vegtengingar í Hnoðraholti.

Bæjarráð samþykkir að vísa málinu til afgreiðslu bæjarstjórnar.

Pétur Hrafn Sigurðsson vék af fundi kl. 11:13 og tók Bergljót Kristinsdóttir sæti í hans stað.

Skipulagsstjóri kynnir tillögu að breytingu á aðalskipulagi Garðabæjar. Einnig lögð fram umsögn skipulagsstjóra frá 2. september vegna málsins.

Kynning.

Lagt fram að nýju erindi Sólveigar Helgu Jóhannsdóttur, skipulagsfræðings fh. Garðabæjar dags. 11. júní 2020 og varðar tillögu að breytingu á rammahluta Aðalskipulags Garðabæjar 2016-2030 fyrir Vífilsstaðaland, þróunarsvæði B. Erindinu fylgja jafnframt þrjár deiliskipulagsáætlanir innan þess svæðis sem aðalskipulagsbreytingin nær til þ.e. fyrir blandaða byggð í Vetrarmýri, norður hluta Hnoðraholts þar sem fyrirhuguð er íbúðarbyggð ásamt verslun og þjónustu svo og fyrir Rjúpnadal þar sem gert er ráð fyrir kirkjugarði og meðferðarstofnun. Þá lögð fram umsögn skipulagsstjóra Kópavogs dags. 2. september 2020 ásamt greinargerð VSÓ dags. 10. ágúst 2020 þar sem farið er yfir áhrif fyrirhugaðra breytinga á byggð og vegakerfi í Kópavogi.

Skipulagsráð samþykkir ofangreinda umsögn skipulagsstjóra dags. 2. september 2020 þar sem fram koma athugasemdir og ábendingar við kynnta tillögu að breyttu Aðalskipulagi Garðabæjar ásamt því að samþykkja einróma eftirfarandi bókun:

Skipulagsráð Kópavogs leggst ekki gegn því að tengingin Vífilsstaðavegur við Reykjanesbraut að Arnarnesvegi í Leirdalsopi verði felld út. Að fella þessa tengingu út verður til þess að hægt verði að stækka golfvöll GKG án þess að hann sé klofinn af vegi í aðalgatnakerfi höfuðborgarsvæðisins. Skipulagsráð bendir jafnframt á að fella út umrædda tengingu leiðir af sér gegnumstreymisumferð í efri byggðum Kópavogs. Sveitarfélögin þurfi því í sameiningu að leita leiða til þess að girða fyrir slíkt eða að Elliðavatnsvegi verði lokað við Austurkór.

Skipulagsráð hafnar tengingu fyrirhugaðs hverfis í Hnoðraholti að Arnarnesvegi í Leirdalsopi. Vegalagning á kynntum stað er ekki framkvæmanleg vegna nálægðar við 13. braut golfvallar GKG og fjölbýlishúsa við Þorrasali og mun hún rýra mjög gæði golfvallarins sem og byggðarinnar við Þorrasali. Tengingin verði með allt að 9 þúsund bíla umferð á sólarhring; 13 brautin verður fyrir vikið ónothæf og þessi mikla umferð veldur jafnframt hávaða-, svifryks- og sjónmengun í fjölbýlishúsunum við Þorrasali.

Skipulagsráð bendir á þann möguleika að umrædd tenging verði sett í niðurgrafinn stokk á þeim stað þar sem tengibrautin fer meðfram fjölbýlishúsum við Þorrasali. En verði stokkalausnin ekki nýtt eða umrædd tenging verði ekki felld út úr kynntri tillögu að skipulagi Hnoðraholts sjá bæjaryfirvöld í Kópavogi sér ekki annað fært en að útiloka vegtenginguna við gatnakerfi Kópavogs.

Skipulagsráð mótmælir jafnframt þeim áformum Garðabæjar að reisa 2-3ja hæða fjölbýlishús sunnan við Þrymsali og leggur til að skipulag á svæðinu verði útfært sem tveggja hæða sérbýlishús sem yrði betri aðlögun að byggð í Kópavogi og dregur úr skerðingu á útsýni til suðurs og austurs frá byggð við Þrymsali.

Hvað varðar fyrirhugaða breytingu á skipulagi í Rjúpnadal (-hæð) þá gerir skipulagsráð ekki athugasemdir við þær breytingar að öðru leyti en því að þær framkvæmdir sem þar eru fyrirhugðar (kirkjugarður og meðferðarstofnun) eru utan sk. vaxtarmarka höfuðborgarsvæðisins og eru því ekki í samræmi við gildandi svæðisskipulag. Vaxtamörkum er ætlað að marka skýr skil á milli þéttbýlis og dreifbýlis á höfuðborgarsvæðinu og þróun þéttbýlis skal vera innan þeirra.

Skipulagsráð mótmælir jafnframt fyrirhuguðu miðsvæði í Vetrarmýri í stað verslunar- og þjónustusvæðis eins og fyrirhugað er í gildandi aðalskipulagi Garðabæjar. Skipulagsráð telur að hér sé um töluverða stefnubreytingu að ræða hjá bæjaryfirvöldum í Garðabæ. Stefnubreytingin fellst í því að skilgreina svæði austan Reykjanesbrautar sem miðsvæði sem er ekki bæjarkjarni eða svæðiskjarni. Slík breyting samræmist ekki markmiðum svæðisskipulagsins um stigskiptingu og staðsetningu miðkjarna á höfuðborgarsvæðinu sem er bindandi stefna. Ekki hefur verið gerð úttekt á því hver áhrifin verða á svæðisvísu að skilgreina nýtt miðsvæði við Reykjanesbraut í Vetrarmýri.

Lagt fram að nýju erindi Sólveigar Helgu Jóhannsdóttur, skipulagsfræðings fh. Garðabæjar dags. 11. júní 2020 og varðar vinnslutillögu að fyrirhugaðri breytingu á rammahluta Aðalskipulags Garðabæjar 2016-2030 fyrir Vífilsstaðaland, þróunarsvæði B. Erindinu fylgja jafnframt þrjár deiliskipulagsáætlanir innan þess svæðis sem aðalskipulagsbreytingin nær til þ.e. fyrir blandaða byggð í Vetrarmýri, norður hluta Hnoðraholts þar sem fyrirhuguð er íbúðarbyggð ásamt verslun og þjónustu svo og fyrir Rjúpnadal þar sem gert er ráð fyrir kirkjugarði og meðferðarstofnun. Þá lagt fram minnisblað VSÓ dags. 10. ágúst 2020 þar sem gerð er grein fyrir áhrifum á vegakerfi Kópavogsbæjar. Grétar Mar Hreggviðsson og Svanhildur Jónsdóttir frá VSÓ fara yfir minnisblaðið.

Lagt fram og kynnt.

Lagt fram að nýju erindi Sólveigar Helgu Jóhannsdóttur, skipulagsfræðings fh. Garðabæjar dags. 11. júní 2020 og varðar vinnslutillögu að fyrirhugaðri breytingu á rammahluta Aðalskipulags Garðabæjar 2016-2030 fyrir Vífilsstaðaland, þróunarsvæði B. Erindinu fylgja jafnframt þrjár deiliskipulagsáætlanir innan þess svæðis sem aðalskipulagsbreytingin nær til þ.e. fyrir blandaða byggð í Vetrarmýri, norður hluta Hnoðraholts þar sem fyrirhuguð er íbúðarbyggð ásamt verslun og þjónustu svo og fyrir Rjúpnadal þar sem gert er ráð fyrir kirkjugarði og meðferðarstofnun. Arinbjörn Vilhjálmsson, skipulagsstjóri Garðabæjar gerir grein fyrir stöðu mála.

Lagt fram og kynnt. Afgreiðslu frestað.

Greint frá stöðu mála.

Greint frá stöðu mála.

Lagt fram erindi Sólveigar Helgu Jóhannsdóttur, skipulagsfræðings fh. Garðabæjar dags. 4. desember 2019 og varðar vinnslutillögu að fyrirhugaðri breytingu á rammahluta Aðalskipulags Garðabæjar 2016-2030 fyrir Vífilsstaðaland, þróunarsvæði B. Erindinu fylgja jafnframt þrjár deiliskipulagsáætlanir innan þess svæðis sem aðalskipulagsbreytingin nær til þ.e. fyrir blandaða byggð í Vetrarmýri, norður hluta Hnoðraholts þar sem fyrirhuguð er íbúðarbyggð ásamt verslun og þjónustu svo og fyrir Rjúpnadal þar sem gert er ráð fyrir kirkjugarði og meðferðarstofnun. Tillögurnar eru til forkynningar sbr. 2. mgr. 30. gr. og 3. mgr. 40. gr. skipulagslaga nr. 123/2010. Arinbjörn Vilhjálmsson, skipulagsstjóri Garðabæjar, Jóhanna Helgadóttir, skipulagsfræðingur og Sigurður Einarsson, arkitekt gera grein fyrir tillögunum.

Afgreiðslu frestað. Bæjaryfirvöldum í Kópavogi hefur borist mikil fjöldi athugasemda og ábendingar frá íbúum við Þorrasali, Þrymsali og Þrúðsali vegna kynntrar tillögu að breytingum á skipulagi Vífilsstaðalands, einkum Hnoðraholts í Garðabæ. Skipulagsráð felur formanni skipulagsráðs og skipulagsstjóra að óska eftir samráðsfundi með skipulagsyfirvöldum í Garðabæ ásamt fulltrúum íbúa við framantaldar götur.