Sundlaug í Fossvogsdal

Bæjarráð frestaði erindinu á fundi sínum 02.02.2023.

Bæjarráð samþykkir að vísa málinu til gerðar fjárhagsáætlunar.

Bókun:

„Fjárfestingaáætlun Kópavogsbæjar fyrir árið 2023 útheimtir mikið vinnuframlag en þar ber helst að nefna uppbyggingu Kársnesskóla og tveggja nýrra leikskóla, auk uppbyggingu íþróttamannvirkja. Ekki er rými til þess að bæta fleiri verkefnum inn á árið 2023 og er málinu því vísað til gerðar næstu fjárhagsáætlunar að svo stöddu.“

Ásdís Kristjánsdóttir

Hjördís Ýr Johnson

Andri Steinn Hilmarsson

Björg Baldursdóttir

Theódóra S. Þorsteinsdóttir

Bergljót Kristinsdóttir

Sigurbjörg E. Egilsdóttir

Frá sviðsstjóra umhverfissviðs, dags. 27.01.2023, lögð fram tillaga að skipan dómnefndafulltrúa frá Kópavogsbæ í dómnefnd vegna samkeppni um sundlaug í Fossvogsdal.

Bæjarráð frestar erindinu.

Óskað eftir kynningu um stöðu mála varðandi sundlaug í Fossvogsdal.

Deildarstjóri íþróttadeildar fór yfir hver staðan væri á verkefninu.

Deildarstjóri íþróttadeildar fór yfir hver staðan væri á verkefninu.

Frá bæjarstjóra, lögð fram drög að viljayfirlýsingu Kópavogsbæjar og Reykjavíkurborgar um staðsetningu Fossvogslaugar, ásamt erindi bæjarstjóra og borgarstjóra Reykjavíkur dags. 2. febrúar þar sem lagt er til að borgarráð og bæjarráð samþykki að efna til hönnunar og skipulagssamkeppni um bestu staðsetningu og útfærslu sundlaugarinnar miðsvæðis í Fossvogsdal. Bæjarráð vísaði afgreiðslu málsins til bæjarstjórnar á fundi sínum þann 11. mars sl.

Óskað var eftir umræðu um viljayfirlýsingu Kópavogsbæjar og Reykavíkurborgar um staðsetningu Fossvogslaugar sem var til umræðu í bæjarstjórn Kópavogs 23. mars sl.

Umræður urðu um málið í ráðinu.

Frá bæjarstjóra, lögð fram drög að viljayfirlýsingu Kópavogsbæjar og Reykjavíkurborgar um staðsetningu Fossvogslaugar, ásamt erindi bæjarstjóra og borgarstjóra Reykjavíkur dags. 2. febrúar þar sem lagt er til að borgarráð og bæjarráð samþykki að efna til hönnunar og skipulagssamkeppni um bestu staðsetningu og útfærslu sundlaugarinnar miðsvæðis í Fossvogsdal. Bæjarráð vísaði afgreiðslu málsins til bæjarstjórnar á fundi sínum þann 11. mars sl.

Fundarhlé hófst kl. 17:39, fundi fram haldið kl. 18:07.

Dagskrártillaga Theódóru S. Þorsteinsdóttur um að vísa málinu til fjárhagsáætlunar:

Hafnað með 8 atkvæðum gegn samþykki Theódóru S. Þorsteinsdóttur, Einars A. Þorvarðarsonar og Sigurbjargar E. Egilsdóttur.

Bókun:

"Samstaða allra flokka í bæjarstjórn er inntak fréttatilkynningar bæjarstjóra Kópavogs um fjárhagsáætlun 2021 og hún þar sögð mikilvægari en nokkru sinni því heimsfaraldurinn hefur sett stórt strik í reikning bæjarsjóðs næstu þrjú árin. Flokkarnir sýndu nákvæmlega þá samstöðu í sameiginlegri bókun sinni þegar fjárhagsáætlun var samþykkt fyrir 14 vikum síðan í þverpólitískri sátt, sjötta árið í röð. Allir voru tilbúnir til að axla sameiginlega ábyrgð á henni. Þar var áhersla lögð á að verja grunnþjónustu með því að draga ekki úr rekstri, auka við útgjöld velferðarþjónustu og samþykkja sameiginlega stofnframkvæmdir fyrir 2021 og næstu þrjú ár á eftir.

Það skýtur því skökku við og hlýtur að valda vonbrigðum að ráðandi meirihluti leggi hér fram glænýja og kostnaðarsama tillögu um að bæjarstjórn samþykki viljayfirlýsingu um að efna til hönnunar og skipulagssamkeppni á nýrri sundlaug í Fossvogsdalnum. Sú framkvæmd gæti kostað um einn milljarð og er ekki á áætlun, hvorki til undirbúnings né framkvæmdar næstu þrjú árin. Meirihluti Sjálfstæðisflokks og Framsóknarflokks krefst þess að hundsað sé samkomulag og þeirra eigið ákall um sameiginlega ábyrgð á fjármálum bæjarins og samstöðu allra flokka í bæjarstjórn til að troða að fullkomlega óábyrgri tillögu sem á sér engan stað í neinum áætlunum, hvorki til lengri eða skemmri tíma. Undirrituð hafna erindinu og óska eftir því að tillögunni verði vísað til gerðar fjárhagsáætlunar."

Theódóra S. Þorsteinsdóttir

Einar Ö. Þorvarðarson


Tillaga:

Bæjarstjórn samþykkir með 8 atkvæðum gegn atkvæðum Theódóru S. Þorsteinsdóttur og Einars A. Þorvarðarsonar og hjásetu Sigurbjargar E. Egilsdóttur, tillögu um viljayfirlýsingu vegna sundlaugar í Fossvogsdal.


Bókun:

"Þessi viljayfirlýsing felur í sér að Kópavogur og Reykjavík samþykki að efnt verði til hönnunar og skipulagssamkeppni um staðsetningu og útfærslu laugar í Fossvogsdal og felur hún því ekki í sér neina fjárhagslega skuldbindingu um uppbyggingu og rekstur á sundlauginni.

Framundan er vinna við skipulag og samningar við Reykjavík um uppbyggingu og rekstur á slíku mannvirki. Ef ásættanlegir samningar nást við Reykjavík tekur bæjarstjórn afstöðu um framkvæmdartíma og fjárhagslegar skuldbindinga á komandi árum."

Ármann Kr. Ólafsson

Margrét Friðriksdóttir

Karen E. Halldórsdóttir

Jón Finnbogason

Hjördís Ý. Johnson

Birkir J. Jónsson

Bókun:

"Bæjarfulltrúar Samfylkingarinnar eru sammála viljayfirlýsingunni sem hér liggur fyrir, en vilja leggja áherslu á mikilvægi þess að strax í upphafi verði málið kynnt öllum hagsmunaaðilum svo sem íbúum, skólasamfélaginu og íþróttasamfélaginu. Enn fremur að fram fari þarfagreining á verkefninu sem lögð verði fyrir bæjarstjórn."

Pétur H. Sigurðsson

Bergljót Kristinsdóttir

Fundarhlé hófst kl. 18:20, fundi fram haldið kl. 19:00

Bókun:

"Það að skrifa undir viljayfirlýsingu um hönnunarsamkeppni áður en búið er að máta þá framkvæmd við fjárhagsáætlanir næstu ára er óábyrg fjármálastjórn. Að samþykkja hönnunarsamkeppni er ákvörðun um að byggja sundlaug, annað er óheiðarleiki gagnvart íbúum. Það er líka óábyrgt að varpa þessari ákvörðun yfir á næsta kjörtímabil. Samþykkt gildi bæjarstjórnar Kópavogsbæjar um virðingu og heiðarleika á augljóslega ekki við þegar meirihlutinn hefur nú komið öllu samstarfi í bæjarstjórn í uppnám. Ef meirihluti Framsóknar og Sjálfstæðisflokks telur að engin fjárhagsleg skuldbinding sé falin í þessu erindi þá er þetta erindi í besta falli populismi ári fyrir kosningar. Undirrituð hafa áhyggjur af því hvernig Framsóknarflokkurinn ætlar sér að skila af sér stöðu bæjarstjóðs að loknu þessu kjörtímabili. Það að horfa fram hjá áætlunum og sinna ekki hlutverki sínu sem stjórnarformaður Sorpu hefur augljóslega ekki verið lærdómur. Það mun reynast undirrituðum erfitt að bera sameiginlega ábyrgð á bæjarsjóði með meirihluta Sjálfstæðisflokks og Framsóknarflokks þegar vinnubrögðin eru jafn óábyrg eins og í þessu erindi."

Theódóra S. Þorsteinsdóttir

Einar Ö. Þorvarðarson

Bókun:

"Lítil sem engin umræða hefur farið fram um sundlaug í Fossvogsdal í bæjarstjórn Kópavogs á þessu kjörtímabili. Fyrir liggur 8 ára gömul skýrsla starfshóps frá þarsíðasta kjörtímabili en bæjarfulltrúar hafa hvorki fengið kynningu á þeirri vinnu né rætt hana að neinu ráði, og ekkert í tengslum við gerð fjárhagsáætlunar. Undirrituð telur að ákvörðunin um sundlaug í Fossvogsdal þarfnist betri undirbúnings og meiri umræðu af hálfu bæjarstjórnar Kópavogs, og situr því hjá við afgreiðslu málsins."

Sigurbjörg E. Egilsdóttir

Frá bæjarstjóra, lögð fram drög að viljayfirlýsingu Kópavogsbæjar og Reykjavíkurborgar um staðsetningu Fossvogslaugar, ásamt erindi bæjarstjóra og borgarstjóra Reykjavíkur dags. 27. janúar þar sem lagt er til að borgarráð og bæjarráð samþykki að efna til hönnunar og skipulagssamkeppni um bestu staðsetningu og útfærslu sundlaugarinnar miðsvæðis í Fossvogsdal.

Fundarhlé hófst kl. 9:59, fundi fram haldið kl. 10:23.

Afgreiðslutillaga:

"Undirritaður leggur til að erindinu verði vísað til afgreiðslu bæjarstjórnar."

Einar Örn Þorvarðarson

Bæjarráð samþykkir tillöguna með fimm atkvæðum.

Bókun:

Undirrituð styðja þessa viljayfirlýsingu.

Hjördís Ý. Johnson

Birkir J. Jónsson

Karen E. Halldórsdóttir

Frá borgarstjóra Reykjavíkurborgar, dags. 6. janúar, lagt fram erindi um samstarf um undirbúning sundlaugar í Fossvogsdal.

Bæjarráð samþykkir að vísa málinu til bæjarstjóra til úrvinnslu.