Menntasvið-Heimsmarkmið Sþ

Í framhaldi af kynningu á fundi menntaráðs 1. desember 2020 er lögð fram skýrsla með samantekt á vinnu við gagnaöflun og greiningu í stofnunum menntasviðs í tengslum við heildar stefnumótun Kópavogsbæjar.

Lagt fram.

Kynning á vinnu menntasviðs í tengslum við innleiðingu Heimsmarkmiða Sameinuðuþjóðanna.

María Kristín Gylfadóttir, verkefnastjóri í innleiðingu Heimsmarkmiða, kynnti vinnu sem fram hefur farið með menntasvið og stofnum sviðsins við kortlagningu Heimsmarkmiða.

Ragnhildur Reynisdóttir og Ingibjörg Auður Guðmundsdóttir, fulltrúar BF Viðreisnar lögðu fram eftirfarandi bókun:

Mikil vinna hefur verið sett í starfsáætlanir bæði hjá skólunum sem og frístund og félagsmiðstöðvum. Skýrslur skrifaðar varðandi t.d. líðan barna, þjónustu sem veitt er innan skólakerfisins við hina ýmsu hópa og skref tekin við innleiðingu Barnasáttmála Sameinuðu þjóðanna. Þetta er auðvitað allt unnið í samræmi við gildandi lög og reglugerðir. Hugarflugsfundir hafa verið haldnir með starfsfólki varðandi hvernig má tengja starfsemina við heimsmarkmið Sameinuðu þjóðanna og yfirstefnu Kópavogs. Einnig hefur Menntaráð komið að þessari vinnu.

Til að hægt sé að henda reiður á hvar við stöndum þarf að móta stefnu og því vonumst við til að nú eigi aftur að setja þunga í þá vinnu. Við teljum að um leið og stefnan er tilbúin sé auðveldara að setja fram skýr markmið, mæla hvar við stöndum og átta sig betur á hvar eigi að verja fjármunum innan kerfisins.

Sigurbjörg Erla Egilsdóttir, áheyrafulltrúi Pírata tekur undir bókun.