Bæjarlind 14, Tælenska Eldhúsið. Umsagnarbeiðni vegna umsóknar um nýtt rekstrarleyfi

Frá lögfræðideild, dags. 14. júlí 2020 lagt fram bréf Sýslumanssins á höfuðborgarsvæðinu, dags. 13. júlí, þar sem óskað er eftir umsögn um umsókn vegna endurnýjunar rekstrarleyfis Tælenska eldhússins, kt. 600701-2150 um nýtt rekstrarleyfi fyrir veitingastað í flokki II, að Bæjarlind 14, 201 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 26. gr. rgl. nr. 1277/2016. Samkvæmt 1. tl. 4. mgr. 10. gr. laga nr. 85/2007 skal sveitarstjórn sem umsagnaraðili staðfesta að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Bæjarráð staðfestir með fimm atkvæðum að afgreiðslutími og staðsetning staðar sé innan marka reglna og skipulags sveitarfélags og veitir jákvæða umsögn.