Hlíðarsmári 3, Café Atlanta ehf. Umsagnarbeiðni vegna umsóknar um Cafe Atlanta

Frá lögfræðideild, dags. 29. september, lagt fram bréf Sýslumannsins á höfuðborgarsvæðinu, dags. 25. september, þar sem óskað er eftir umsögn um umsókn Café Atlanta ehf., kt. 700112-0390, um rekstrarleyfi fyrir veitingastað í flokki II, að Hlíðasmára 3, 201 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 26. gr. rgl. nr. 1277/2016. Samkvæmt 1. tl. 4. mgr. 10. gr. laga nr. 85/2007 skal sveitarstjórn sem umsagnaraðili staðfesta að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Bæjarráð samþykkir með fimm atkvæðum að veita jákvæða umsögn með vísan til minnisblaðs lögfræðideildar.