Fyrirspurn um fjölda einstaklinga á biðlista eftir skammtímadvöl - málefni fatlaðra

Greinargerð deildarstjóra, dags. 8.4.2021 ásamt þar til greindum fylgiskjölum lögð fram til upplýsingar.

Velferðarráð tekur undir fyrirliggjandi greinargerð um nauðsyn skammtímadvalar fyrir fötluð börn í bæjarfélaginu og telur mjög mikilvægt að gert verði ráð fyrir uppbyggingu slíks úrræðis við gerð fjárhagsáætlunar næsta árs.

Svar við bókun velferðarráðs frá fundi 9. nóvember 2020.

Ljóst er að mikil og uppsöfnuð þörf er fyrir skammtímadvalir fyrir börn með fatlanir. Velferðarráð felur sviðsstjóra að gera tillögu að slíku úrræði, þ.m.t. ítarlegu kostnaðarmati. Einnig verði vilji nágrannasveitarfélaga til áframhaldandi samstarfs um slíkt úrræði kannaður.

Svar við fyrirspurn sem lögð var fram munnlega á fundi ráðsins þann 26.10.2020 lagt fram til upplýsingar.

Lagt fram.

Velferðarráð óskar eftir því að sviðsstjóri og starfsfólk velferðarsviðs kanni hvernig mætti koma betur til móts við þarfir barna sem þurfa á skammtímadvöl að halda. Samhliða því yrði að meta umfang og kostnað við stuðningsþjónustu við þennan hóp barna eins og hún er í dag. Í þeirri greiningu þyrfti að skoða áframhaldandi samvinnu Kópavogs við nærliggjandi sveitarfélög um slík úrræði, en einnig að kannaður yrði sá möguleiki að Kópavogsbær færi einhliða í slíkan rekstur.