Velferðartækni. Umræður

Andrés Pétursson lagði fram eftirfarandi bókun sem velferðarráð tók undir:

Velferðarráð telur mikilvægt að gera átak í því að nýta betur þau fjölmörgu tækifæri sem nýjustu velferðartæknilausnir bjóða upp á. Mikil fjölgun mun eiga sér stað í hópi eldri Kópavogsbúa á næstu árum og kostnaður bæjarfélagsins mun aukast vegna þessa hóps. Því er mikilvægt að leita allra leiða til að nýta fjármagnið sem fer til þessa málaflokks sem allra best. Reynsla bæjarins af slíkum verkefnum eins og heimaþjónustukerfi Curron er góð og því mikilvægt að skoða aðra möguleika. Því samhliða gæti bærinn tekið þátt í Rannís og Evrópuverkefnum með íslenskum fyrirtækjum og háskólastofnunum á sviði velferðartæknilausna.