Tillaga bæjarfulltrúa Péturs Hrafns Sigurðssonar um skipun starfshóps til að skoða möguleika á sameiningu heimaþjónustu og heimahjúkrunar í Kópavogi

Tillaga frá bæjarfulltrúa Pétri Hrafni Sigurðssyni um skipan starfshóps sem verði falið að skoða möguleika á sameiningu heimaþjónustu og heimahjúkrunar í Kópavogi. Meðal þess sem starfshópurinn skal skoða eru möguleikar á bætri þjónustu við Kópavogsbúa sem nýta heimaþjónustu og heimahjúkrun og aðstandendur þeirra. Enn fremur skal starfshópurinn skoða möguleika sem sameining gæti haft á rekstur heimaþjónustu og heimahjúkrunnar. Bæjarráð vísaði erindinu til umsagnar velferðarráðs og öldugnaráðs sem liggja nú fyrir og lagðar voru fram á síðasta bæjarráðsfundi þann 25. febrúar sl.

Bæjarstjórn hafnar tillögu um skipan starfshóps með sex atkvæðum, hjásetu Theódóru S. Þorsteinsdóttur, Ragnhildar Reynisdóttur og Sigurbjargar E. Egilsdóttur, gegn atkvæðum Péturs H. Sigurðssonar og Bergljótar Kristinsdóttur.

Fundarhlé hófst kl. 17:49, fundi fram haldið kl. 18:10.

Bókun:

"Það eru mikil vonbrigði að ekki sé vilji í bæjarstjórn til að skoða hvort samþætting heimaþjónustu og heimahjúkrunar geti skilað betri þjónustu fyrir aldraða íbúa Kópavogs og annarra sem þurfa að nýta þessa þjónustu.

Í greinargerð velferðarsviðs vegna tillögu um að Kópavogsbær taki yfir heimahjúkrun aldraðra kemur fram að “rannsóknir sem gerðar hafa verið erlendis á samþættingu heilbrigðis- og félagsþjónustu aldraðra byggja á þeirri hugmyndafræði að betra sé fyrir aldrað fólk að dvelja á heimilum sínum sem lengst frekar en stofnunum. Þar sem hópurinn er mjög ólíkur innbyrðis og margir með flóknar þjónustuþarfir tengdar langvinnum sjúkdómum og heilsufarsvanda þarf fagfólk að sinna ólíkum þörfum undir merkjum sömu þjónustu. Eftir því sem einstaklingar búa lengur í eigin húsnæði verður mikilvægara að þjónusta til þeirra sé samhæfð, bæði til að koma í veg fyrir að göt myndist í þjónustunni og til að minnka líkurnar á tvíverknaði.

Það er því mikilvægt að skoða hvort samþætting þjónustu sem í dag er veitt af tveimur aðilum geri þjónustuna betri, skilvirkari og hagkvæmari fyrir aldraða Kópavogsbúa.

Pétur Hrafn Sigurðsson bæjarfulltrúi Samfylkingarinnar

Bergljót Kristinsdóttir bæjarfulltrúi Samfylkingarinnar"

Bókun:

"Velferðarsvið er að vinna að sameiginlegri þjónustugátt heimþjónustu og heimahjúkrunar sem mun bæta þjónustu við eldri borgara.

Bæjarstjórn samþykkti þann 9. apríl 2019 að fela bæjarstjóra að meta kosti og galla þess að yfirtaka heimahjúkrun frá Heilsugæslu höfuðborgarsvæðisins. Niðurstaða þeirrar greiningar var sú að hafist yrði handa við að sameina aðgangsgáttir heimaþjónustu og heimahjúkrunar, enda væri það einföld leið til að bæta þjónustu og hægt að líta á það sem fyrsta skref í mögulegri sameiningu án þess að hefja umfangsmikla vinnu. Var sú tillaga samþykkt í bæjarráði og í velferðarráði. Starfsmenn velferðarsviðs og upplýsingatæknideildar hafa undirbúið það verkefni og liggur nú fyrir tillaga forstöðumanns UT deildar að næstu skrefum. Mikilvægt er að klára það mál áður en farið er af stað með nýtt mat á því hvort yfirtaka sé fýsileg, enda er með einni þjónustugátt hægt að draga mjög úr flækjustigi og einfalda notendum, aðstandendum og öðrum fagaðilum að sækja um þjónustu. Því sé rétt á þessum tímapunkti að halda áfram að vinna að sameiginlegri þjónustugátt og meta áhrif hennar fremur en að stofna starfshóp um möguleika þess að sameina heimaþjónustu og heimahjúkrun. Þeirri vinnu verði flýtt eins mikið og kostur er.

Margrét Friðriksdóttir, Ármann Kr. Ólafsson, Karen E. Halldórsdóttir, Guðmundur G. Geirdal, Jón Finnbogason og Helga Hauksdóttir."

Bókun:

"Bæjarstjórn hefur nú þegar lagt fram tillögu um að skoða samþættingu heimaþjónustu og heimahjúkrunar. Skýrsla velferðarsviðs liggur nú fyrir ásamt minnisblaði um að undirbúa sameiginlega þjónustugátt heimaþjónustu og heimahjúkrunar. Ef ákveðið verði að sameina að fullu þessa starfsemi í samráði við Heilsugæslu höfuðborgarsvæðisins þá er mikilvægt að fá utanaðkomandi aðila með reynslu og þekkingu á slíkum grundvallarbreytingum á fyrirkomulagi þjónustu. Undirritaðar fagna þessum fyrstu skrefum í þjónustu við eldri borgara í Kópavogi.

Theódóra S. Þorsteinsdóttir og Ragnhildur Reynisdóttir."

Bókun:

"Tæp tvö ár eru liðin frá því að bæjarstjóra var falið að meta kosti og galla þess að yfirtaka heimahjúkrun frá Heilsugæslunni. Ekki er hægt að halda því fram að bæjarstjóri hafi farið hratt yfir í þessu máli. Engin niðurstaða liggur fyrir um hvort sameining sé hagkvæm eða ekki og því er tillagan um starfshóp framkomin.

Í bókun meirihlutans kemur fram að “Starfsmenn velferðarsviðs og upplýsingatækndeildar hafa undirbúið það verkefni? þ.e. að hanna sameiginlega þjónustugátt heimaþjónustu og heimahjúkrunar.

Staðreyndin er að enn hefur ekki verið lögð fram nein þarfagreining að verkefninu og afar óljóst er hvernig að því verður staðið. Ekki er hægt að sjá að byrjað hafi verið á neinu nema að forstöðumaður upplýsingatæknideildar hefur sett fram minnisblað um hugmynd að útfærslu.

Ítrekuð eru vonbrigði með að ekki sé vilji til að skoða hvort samþætting skili betri þjónustu fyrir aldraða íbúa Kópavogs.

Pétur H. Sigurðsson og Bergljót Kristinsdóttir."

Bókun:

"Staðreyndin er sú að tillaga Samfylkingarinnar var ekki þarfagreind auk þess sem hún er alls ekki tímabær. Ef það skyldi hafa farið framhjá bæjarfulltrúunum þá kom hér upp ástand sem varað hefur í á annað ár. Starfsfólk bæjarins hefur starfað undir miklu álagi vegna þess og staðið vaktina með miklum sóma og vil ég þakka fyrir það.

Ármann Kr. Ólafsson."

Bókun:

"Ég tek undir bókun Ármanns.

Margrét Friðriksdóttir."

Bókun:

"Ég tek undir bókun Ármanns.

Karen E. Halldórsdóttir."

Bókun:

"Ég tek undir bókun Ármanns.

Guðmundur G. Geirdal."

Bókun:

"Ég tek undir bókun Ármanns.

Helga Hauksdóttir."

Bókun:

"Athygli bæjarstjóra er vakin á að tillagan var lögð fram í apríl 2019. Covid hófst 11 mánuðum síðar, í mars 2020.

Tekið er undir með bæjarstjóra að starfsfólk Kópavogsbæjar hefur staðið vaktina með miklum sóma hvort heldur sem er á tímum Covid 19 eða ekki.

Pétur Hrafn Sigurðsson bæjarfulltrúi Samfylkingarinnar

Bergljót Kristinsdóttir bæjarfulltrúi Samfylkingarinnar"

Bókun:

"Enda hefur ýmislegt verið gert í bættri samvinnu velferðarsviðs/ heimaþjónustu og heimahjúkrunar.

Ármann Kr. Ólafsson"

Tillaga frá bæjarfulltrúa Pétri Hrafni Sigurðssyni um skipan starfshóps sem verði falið að skoða möguleika á sameiningu heimaþjónustu og heimahjúkrunar í Kópavogi. Meðal þess sem starfshópurinn skal skoða eru möguleikar á bætri þjónustu við Kópavogsbúa sem nýta heimaþjónustu og heimahjúkrun og aðstandendur þeirra. Enn fremur skal starfshópurinn skoða möguleika sem sameining gæti haft á rekstur heimaþjónustu og heimahjúkrunnar. Bæjarráð vísaði erindinu til umsagnar velferðarráðs og öldugnaráðs sem liggja nú fyrir og lagðar voru fram á síðasta bæjarráðsfundi þann 25. febrúar sl.

Bæjarráð hafnar tillögu Péturs Hrafns Sigurðssonar með tveimur atkvæðum gegn atkvæði Bergljótar Kristinsdóttur og hjásetu Helgu Hauksdóttur og Theódóru S. Þorsteinsdóttur.

Bæjarráð tekur undir minnisblað forstöðumanns UT deildar.

Bókun:

"Undirrituð harmar að ekki sé meirihluti fyrir því að setja á fót starfshóp til að greina þjónustuþörf eldri borgara frá upphafi til enda. Það skref að útbúa gátt fyrir notendur þjónustu er góð byrjun en þörfina þarf að greina í heild. Ekki er hægt að sjá hverjir eigi að vinna að þeirri þarfagreiningu.

Bergljót Kristinsdóttir"

Bókun:

"Undirrituð hefur væntingar um að það fari fram þarfagreining við gerð þjónustugáttar.

Theódóra S. Þorsteinsdóttir"

Bókun:

"Ég tek undir bókun Theódóru.

Karen E. Halldórsdóttir"

Frestað á síðasta fundi velferðarráðs.

Lagt fram.

Bókun:

"Myndun starfshóps til að kanna kosti sameiningar á heimaþjónustu og heimahjúkrun sem er annars vegar á hendi sveitarfélags og hins vegar á ábyrgð ríkisins er nauðsynlegt skref í átt að einni þjónustugátt fyrir eldri borgara í Kópavogi. Aldraðir og aðstandendur þeirra eru ekki sérfræðingar í öldrunarmálum og þeim möguleikum í þjónustu sem öldruðum standa til boða.

Bæjarfélagið þarf í auknum mæli að taka að sér greiningu á aðstæðum eldri borgara í Kópavogi og skipulagningu á þeirra málum heildrænt frá því að fyrst er þörf er á þjónustu, hvort sem þjónustan er á vegum ríkis eða bæjar. Bæjarfélagið þarf að fylgja öldruðum eftir alla leið, t.d. með því að sjá um gerð ferlismats, umsókna í endurhæfingu, dagdvöl eða á hjúkrunarheimili. Sérfræðiþekkingin liggur hjá bæjarfélaginu en ekki öldruðum eða aðstandendum sem eru ekki alltaf til staðar. Með því að byggja eina þjónustugátt tryggir bæjarfélagið best öryggi aldraðra íbúa sinna."

Bergljót Kristinsdóttir

Frestað á síðasta fundi velferðarráðs.

Umræður.

Lögð var fram eftirfarandi bókun:

"Bæjarstjórn samþykkti þann 9. apríl 2019 að fela bæjarstjóra að meta kosti og galla þess að yfirtaka heimahjúkrun frá Heilsugæslu höfuðborgarsvæðisins. Niðurstaða þeirrar greiningar var sú að hafist yrði handa við að sameina aðgangsgáttir heimaþjónustu og heimahjúkrunar, enda væri það einföld leið til að bæta þjónustu og hægt að líta á það sem fyrsta skref í mögulegri sameiningu án þess að hefja umfangsmikla vinnu. Var sú tillaga samþykkt í bæjarráði og í velferðarráði. Starfsmenn velferðarsviðs og upplýsingatæknideildar hafa undirbúið það verkefni og liggur nú fyrir tillaga forstöðumanns UT deildar að næstu skrefum. Mikilvægt er að klára það mál áður en farið er af stað með nýtt mat á því hvort yfirtaka sé fýsileg, enda er með einni þjónustugátt hægt að draga mjög úr flækjustigi og einfalda notendum, aðstandendum og öðrum fagaðilum að sækja um þjónustu. Því sé rétt á þessum tímapunkti að halda áfram að vinna að sameiginlegri þjónustugátt og meta áhrif hennar fremur en að stofna starfshóp um möguleika þess að sameina heimaþjónustu og heimahjúkrun. Þeirri vinnu verði flýtt eins mikið og kostur er.

Karen E. Halldórsdóttir

Björg Baldursdóttir

Baldur Þór Baldvinsson

Halla Karí Hjaltested"

Hlé var gert á fundi kl.17:41.

Fundi var fram haldið kl.17:48.

"Tillagan felur í sér að skipa starfshóp sem meta á hvort sameining skili sér í betri þjónustu við eldri borgara og hvort sameining kunni að vera rekstrarlega hagkvæm. Markmið okkar er að veita sem besta þjónustu og skoða allar leiðir til þess. Það er því ábyrgðarlaust að hafna því að skoða alla möguleika til að bæta þjónustu við aldraða íbúa Kópavogs. Það er EKKI verið að leggja til að sameina heimahjúkrun og heimaþjónustu heldur eingöngu að meta hvort sú sameining skili sér í bættri þjónustu og kunni að vera rekstrarlega hagkvæm. Bæting á núverandi samstarfi hefur tekið of langan tíma og nauðsynlegt er að hefjast handa sem fyrst.

Kristín Sævarsdóttir

Donata Honkowicz-Bukowska

Andrés Pétursson

Sigurbjörg Erla Egilsdóttir"

Hlé var gert á fundi kl.17:51.

Fundi var fram haldið kl.18:04

"Það sýnir ábyrgð að ljúka því verkefni sem velferðarráði og starfsfólki var falið af bæjarráði þann 26.11.2019.

Karen E. Halldórsdóttir

Björg Baldursdóttir

Baldur Þór Baldvinsson

Halla Karí Hjaltested"

Lagt fram til umsagnar, sbr. bókun bæjarráðs 21.1.2021.

Lagt fram.

Fulltrúar Félags eldri borgara í Kópavogi; Sigríður Bjarnadóttir, Sigurður Sigfússson og Þórarinn Þórarinsson taka undir tillögu bæjarfulltrúa Péturs Hrafns Sigurðssonar um skipun starfshóps til að skoða möguleika á sameiningu heimaþjónustu og heimahjúkrunar í Kópavogi.

Lagt fram til umsagnar, sbr. bókun bæjarráðs þann 21.1.2021:

Tillaga frá bæjarfulltrúa Pétri Hrafni Sigurðssyni um skipan starfshóps sem verði falið að skoða möguleika á sameiningu heimaþjónustu og heimahjúkrunar í Kópavogi.

Meðal þess sem starfshópurinn skal skoða eru möguleikar á bættri þjónustu við Kópavogsbúa sem nýta heimaþjónustu og heimahjúkrun og aðstandendur þeirra. Enn fremur skal starfshópurinn skoða möguleika sem sameining gæti haft á rekstur heimaþjónustu og heimahjúkrunnar.

Bæjarráð samþykkir með fimm atkvæðum að vísa erindinu til umsagnar velferðarráðs og öldungaráðs.

Umræður.

Frestað til næsta fundar.

Tillaga frá bæjarfulltrúa Pétri Hrafni Sigurðssyni um skipan starfshóps sem verði falið að skoða möguleika á sameiningu heimaþjónustu og heimahjúkrunar í Kópavogi.

Meðal þess sem starfshópurinn skal skoða eru möguleikar á bætri þjónustu við Kópavogsbúa sem nýta heimaþjónustu og heimahjúkrun og aðstandendur þeirra. Enn fremur skal starfshópurinn skoða möguleika sem sameining gæti haft á rekstur heimaþjónustu og heimahjúkrunnar.

Bæjarráð samþykkir með fimm atkvæðum að vísa erindinu til umsagnar velferðarráðs og öldungaráðs.