Sameiginleg þjónustugátt heimaþjónustu og heimahjúkrunar

Óskað var eftir upplýsingum um stöðu mála hvað varðar sameiginlega þjónustugátt heimaþjónustu og heimahjúkrunar í Kópavogi.

Deildarstjóri rakti feril og stöðu málsins.

Velferðarráð lýsir eftir svörum við tillögu um sameiginlega þjónustugátt félagslegrar heimaþjónustu og heimahjúkrunar í bæjarfélaginu sem send var til Heilsugæslu höfuðborgarsvæðisins, Landlæknis og fleiri aðila á síðasta ári.

Um er að ræða mikið hagsmunamál fyrir aldraða íbúa í bænum og aðstandendur þeirra og brýnt að koma því í framkvæmd.

Fulltrúar Kópavogsbæjar og Heilsugæslu höfuðborgarsvæðisins funduðu þann 7.4.2021 þar sem fram kom vilji til að skoða möguleika á sameiginlegri þjónustugátt. Fundargerð lögð fram til upplýsingar.

Velferðarráð lýsir ánægju með eftirfarandi bókun úr fundargerð:

"Fulltrúar Kópavogsbæjar og Heilsugæslu höfuðborgarsvæðisins lýsa yfir vilja til að sameina í eina þjónustugátt umsóknir um þjónustu til beggja aðila, þ.e. umsóknir um heimahjúkrun og félagslega heimaþjónustu, til hagsbóta fyrir þjónustuþega. Með þessu verður tryggt að starfsmenn fái upplýsingar um þá þjónustu sem sótt er um hjá hinum aðilanum.

Upplýsingatæknideild Kópavogsbæjar í samvinnu við fulltrúa Heilsugæslunnar verði falið að greina verkefnið nánar og koma með tillögur um mögulegar útfærslur ásamt kostnaðaráætlun. Samhliða þessu verður lagalegur grundvöllur slíkrar samvinnu kannaður, m.a. að teknu tilliti til persónuverndarsjónarmiða.

Endanleg ákvörðun um þessa samvinnu verður tekin þegar greinargerð með niðurstöðum liggur fyrir, en stefnt er að því að það verði innan mánaðar. Anna Klara Georgsdóttir, deildarstjóri þjónustudeildar aldraðra mun halda utan um þetta verkefni af hálfu Kópavogsbæjar en Sigrún Kristín Barkardóttir, framkvæmdastjóri heimahjúkrunar af hálfu Heilsugæslu höfuðborgarsvæðisins."