Vesturvör 38-40. Umsókn um lóðir og beiðni um að fá að kynna áætlanir fyrir bæjarráði

Frá bæjarstjóra, dags. 07.06.2021. lögð fram umsögn vegna erindis Nature Experiences ehf. um að fá lóðirnar Vesturvör 38a og 38b til úthlutunar.

Tillaga Sigurbjargar E. Egilsdóttur:

"Tillaga um að úthlutun verði frestað og reglur samdar um úthlutun á byggingarétti fyrir atvinnuhúsnæði."

Bæjarstjórn hafnar tillögunni með 8 atkvæðum, hjásetu Péturs H. Sigurðssonar og Bergljótar Kristinsdóttur gegn atkvæði Sigurbjargar E. Egilsdóttur.

Bæjarstjórn samþykkir með 8 atkvæðum og hjásetu Péturs H. Sigurðssonar og Bergljótar Kristinsdóttur gegn atkvæði Sigurbjargar E. Egilsdóttur að úthluta Nature Experiences ehf. lóðunum Vesturvör 38a og 38b, með þeim skilyrðum að skipulagi verði breytt og svæðið þróað í samræmi við framlagar hugmyndir og breyttar áherslur sem kveðið er á um í nýju aðalskipulagi.

Viðaukatillaga bæjarstjóra:

"Verkefnastjóra íbúatengsla verði falið að gera samráðsáætlun fyrir verslunar- og þjónustusvæði á vestanverðu Kársnesinu."

Bæjarstjórn samþykkir með 11 atkvæðum framlagða viðaukatillögu.


Bókun:

"Undirrituð telja hugmyndir Nature Experiences um uppbyggingu á lóðunum Vesturvör 38a og 38b allrar athygli verðar. Það er hinsvegar eðlilegt að auglýst sé eftir hugmyndum um nýtingu lóðannr og því sitjum við hjá við afgreiðslu málsins."

Bergljót Kristinsdóttir

Pétur Hrafn Sigurðsson

Bókun:

"Undirrituð telur ótímabært að úthluta lóðunum að Vesturvör 38a og 38b, enda vinni það gegn almannahagsmunum og jafnræði að lóð á okkar verðmætasta landsvæði sé úthlutað án auglýsingar."

Sigurbjörg E. Egilsdóttir

Fundarhlé hófst kl. 17:33, fundi fram haldið kl. 17:46

Bókun:

"Verklag við úthlutun á Vesturvör 38 a og b er með sama hætti og áður hefur verið þegar um úthlutun á atvinnusvæði er að ræða í sveitarfélaginu. Sú þjónusta við íbúa á Kársnesi sem hér er verið að leggja til er góð viðbót við þá endurnýjun og uppbyggingu sem er að eiga sér stað á svæðinu. Að efla atvinnulíf, þjónustu, matarmenningu og upplifun er góð viðbót fyrir íbúa á Kársnesi, þar liggja almannahagsmunirnir."

Theódóra S. Þorsteinsdóttir

Einar Ö. Þorvarðarson

Bókun:

"Undirrituð taka undir bókun Theódóru og Einars."

Ármann Kr. Ólafsson

Margrét Friðriksdóttir

Karen E. Halldórsdóttir

Hjördís Ýr Johnson

Birkir J. Jónsson

Guðmundur G. Geirdal

Frá bæjarstjóra, dags. 07.06.2021. lögð fram umsögn vegna erindis Nature Experiences ehf. um að fá lóðirnar Vesturvör 38a og 38b til úthlutunar.

Bæjarráð samþykkir með 5 atkvæðum að lóðirnar Vesturvör 38a og 38b verði úthlutað til Nature Experiences ehf. með þeim skilyrðum að skipulagi verði breytt og svæðið þróað í samræmi við framlagar hugmyndir og breyttar áherslur sem kveðið er á um í nýju aðalskipulagi.

Málinu er vísað til afgreiðslu bæjarstjórnar.

Hlé er gert á fundi kl. 09:16 og fundi framhaldið kl. 09:20

Sigurbjörg Erla Egilsdóttir áheyrnarfulltrúi óskar bókað:

,,Undirrituð er mótfallin tillögu bæjarstjóra og telur það vinna gegn almannahagsmunum og jafnræði að lóð á okkar verðmætasta landsvæði sé úthlutað án auglýsingar. "

Ármann Kr. Ólafsson, Hjördís Johnson, Karen Elísabet Halldórsdóttir og Birkir Jón Jónsson óska bókað:

,,Staðið er eins að úthlutun lóðarinnar og þegar WOW var úthlutað lóðinni á sínum tíma og samþykkt var í bæjarstjórn. Úthlutunin er einnig í samræmi við reglur um úthlutun atvinnuhúsnæðis. "

Frá Nature Experinces ehf., dags. 30.04.2021, lagt fram erindi varðandi umsókn um lóðirnar Vesturvör 38 og Vesturvör 40.

Bæjarráð samþykkir með fimm atkvæðum að vísa erindinu til umsagnar bæjarstjóra.