Bókun á 525. fundi stjórnar SSH. Erindi Áhugafólks um samgöngur fyrir alla

Frá stjórn SSH, dags. 10.06.2021, lögð fram bókun 525. fundar varðandi erindis áhugafólks um samgöngur fyrir alla.

Lagt fram.

Karen Elísabet Halldórsdóttir bókar:

Eftirfarandi vekur athygli í svarbréfi framkvæmdastjóra Betri samgangna um spurningar frá Áhugafólki um samgöngur fyrir alla:

„Niðurstaðan er því sú að á þessu stigi hafi ekkert komið fram sem kalli á breytingar á þeirri stefnu að fjárfest verði í hágæða hraðvagnakerfi fyrir höfuðborgarsvæðið“.

Undirrituð getur ekki tekið undir orð framkvæmdastjórans vegna þess að enn er aðeins um frumdrög að ræða. Sérstakar áhyggjur skal þó hafa af því að enn er ekki ljóst hver rekstrarkostnaður Borgarlinu verður, né hvort að sveitafélögunum sé einum ætlað að bera þann kostnað. Það er ábyrgðarhluti að fara með fjármuni almennings. Tillagan sem Áhugafólk um betri samgöngur leggur fram, setur þær skyldur á kjörna fulltrúa að þeir fjalli um hana á sínum vettvangi svo vilji sveitastjórna sé skýr þessu mikilvæga máli.

Karen Elísabet Halldórsdóttir