Álfhólsvegur 29. Fyrirspurn

Lögð fram að nýju fyrirspurn Sigurðar Hafsteinssonar byggingartæknifræðings dags. 25. ágúst 2021 fyrir hönd lóðarhafa Álfhólsvegar 29. Óskað er eftir að rífa núverandi einbýlishús og stakstæðan bílskúr á lóðinni og byggja þar þriggja hæða fjölbýlishús með fimm íbúðum og fimm bílastæðum á lóð. Gert er ráð fyrir göngubrú frá Álfhólsvegi sem liggur að sameiginlegu anddyri 2. og 3. hæðar vegna hæðarmunar á lóð. Aðkoma að íbúð á 1. hæð er um stiga frá bílastæði. Gert er ráð fyrir stakstæðri byggingu við bílastæði fyrir hjól og vagna. Nýtingarhlutfall lóðar verður 0,6. Uppdráttur og skýringarmyndir í mkv: 1:500 dags. 15. september 2021.

Skipulagsráð lítur neikvætt á framlagða fyrirspurn.

Lögð fram fyrirspurn Sigurðar Hafsteinssonar byggingartæknifræðings dags. 25. ágúst 2021 fyrir hönd lóðarhafa Álfhólsveg 29. Í fyrirspurninni er óskað eftir að rífa einbýlishús og byggja þar þriggja hæða fjölbýlishús með fimm íbúðum. Megin form-línur byggingar taka mið af þeirri byggð sem er fyrir í nágrenninu. Gert er ráð fyrir göngubrú frá Álfhólsvegi sem liggur að sameiginlegu anddyri 2. og 3. hæðar vegna hæðarmunar á lóð. Aðkoma að íbúð á 1. hæð er um stiga frá bílastæði. Gert er ráð fyrir stakstæðri byggingu við bílastæði fyrir hjól og vagna. Nýtingarhlutfall lóðar verður 0,615. Uppdráttur í mkv: 1:500 dags. 25. ágúst 2021 og skuggavarpslýsing.

Afgreiðslu frestað.