Opin hugmyndsamkeppni um Reykjanesbraut og svæðiskjarna í Smára.

Lögð fram til kynningar vinningstillaga Ask arkitekta í hugmyndasamkeppni um Reykjanesbraut og svæðiskjarna í Smára. Bæjarstjórn Kópavogs átti frumkvæði að hugmyndasamkeppni um Reykjanesbraut og svæðiskjarna í Smára sem samþykkt var í bæjarstjórn 11.maí, 2021. Hugmyndasamkeppnin var unnin í samvinnu Kópavogsbæjar og Arkitektafélags Íslands. Markmið Kópavogsbæjar með samkeppninni var meðal annars að styrkja svæðiskjarnann í Smára og efla tengsl á milli svæða innan kjarnans fyrir alla ferðamáta. Tillagan Borg í mótun/Grænn miðbær vann 1. verðlaun í hugmyndasamkeppni um þverun Reykjanesbrautar ásamt byggð yfir og/eða við Reykjanesbraut auk tengingar fyrir vistvæna ferðamáta í svæðiskjarna í Smára. Fulltrúar Ask arkitekta ehf kynna tillöguna.

Lagt fram og kynnt.

Lögð fram til kynningar keppnislýsing fyrir opna hugmyndasamkeppni um Reykjanesbraut og svæðiskjarna í Smára sem Kópavogsbær (útbjóðandi) heldur í samstarfi við Arkitektafélag Íslands. Keppnislýsingin er dags. 5. nóvember 2021.

Lagt fram og kynnt.

Lögð fram til kynningar drög að keppnislýsingu fyrir opna hugmyndasamkeppni um Reykjanesbraut og svæðiskjarna í Smára sem haldin verður í samstarfi við Arkitektafélag Íslands. Drögin, dags. 29. október 2021 eru trúnaðarmál og ekki til dreifingar.

Lagt fram og kynnt.

Lagt fram minnisblað skipulagsdeildar um hugmyndasamkeppni um útfærslu Reykjanesbrautar milli Skógarlindar og Arnarnesvegar dags. 29. júlí 2021.

Lagt fram og kynnt.