Fyrirspurn um upplýsingagjöf og þjónustu til foreldra fatlaðra barna

Svar við fyrirspurn Donötu H. Bukowska og Kristínar Sævarsdóttur dags. 28.6.21 lagt fram til upplýsingar.

Lagt fram.

Donata Honkowicz Bukowska og Kristín Sævarsdóttir lögðu fram eftirfarandi bókun:

"Sveitarfélagið þarf að jafna aðstöðumun búsetuforeldra og lögheimilisforeldra. Það er ekki í anda barnalaga að búsetuforeldri með forsjá þurfi að sækja eða veita upplýsingar um barn sitt eftir öðrum leiðum en lögheimilisforeldri. Nauðsynlegt er að gagnagrunnar og upplýsingakerfi bæjarins taki mið af rétti beggja foreldra til að sinna málum barna sinna.

Einnig er það gegn barnasáttmála Sameinuðu þjóðanna að búsetuforeldri fái ekki aðgang að fundum sem stofnanir bæjarins halda með lögheimilisforeldri um málefni barns.

Það er hag barna fyrir bestu að foreldrar með sameiginlega forsjá búi við sambærileg skilyrði af hálfu sveitarfélags hvað varðar aðgengi að upplýsingum um málefni barnsins."

Hlé var gert á fundi kl.17:36.

Fundi var fram haldið kl.17:48.

Karen E. Halldórsdóttir, Halla Kari Hjaltested, Baldur Þór Baldvinsson og Björg Baldursdóttir lögðu fram eftirfarandi bókun:

"Foreldrar eiga almennt rétt á öllum upplýsingum um barnið nema ef hagsmunir foreldris þykja eiga að víkja fyrir mun ríkari almanna- eða einkahagsmunum, þar á meðal ef upplýsingagjöf telst skaðleg fyrir barn.

Þjónusta til fatlaðra barna er veitt óháð dvalarstað, þ.e. þjónustan er veitt á sama hátt og hún er á lögheimili, þó alltaf í samráði við foreldra og forsjáraðila og eins og hentar best á hverjum stað.

Sveitafélög þurfa jafnframt að vera tilbúin til þess að koma til móts við lagabreytingar á barnalögum um skipta búsetu barna."