Gjáin í Kópavogi. Umsókn um byggingarrétt

Frá bæjarstjóra, dags. 28.03.2022, lögð fram umsögn um umsókn RT tækjaleigu ehf. um byggingarrétt yfir gjána í Kópavogi.

Bæjarráð frestar erindinu.

Frá Ris byggingarfélagi ehf., dags. 7. mars 2022, lögð fram umsókn um byggingarrétt yfir Gjána í Kópavogi.

Bæjarráð samþykkir að vísa málinu til umsagnar bæjarstjóra.

Bókun:

"Undirrituð er hlynnt því að byggja frekar yfir gjána og bæta þannig miðbæjarsvæðið okkar til muna. Slík breyting er þó ekki í samræmi við gildandi skipulag og vilji bæjarstjórnar til slíkrar framkvæmdar hefur ekki legið fyrir. Rétt væri að byrja á að auglýsa eftir hugmyndum frá áhugasömum aðilum, svo jafnræðis sé gætt, og mikilvægt að endurskoða um leið skipulag svæðisins í stærra samhengi."

Sigurbjörg E. Egilsdóttir


Bókun:

"Undirrituð telur mikilvægt að fá umsögn frá sviðstjóra Umhverfissviðs Kópavogsbæjar áður en lengra er haldið."

Theódóra S. Þorsteinsdóttir