Notendastýrð persónuleg aðstoð NPA

Bréf frá félags- og vinnumarkaðsráðuneyti vegna fjölgunar NPA samninga á árinu 2023, dags. 23.02.2023, lagt fram til kynningar.

Í desember 2022 var á Alþingi samþykkt frumvarp félags- og vinnumarkaðsráðherra um breytingar á lögum um þjónustu við fatlað fólk með langvarandi stuðningsþarfir nr. 38/2018. Breytingarnar fólust annars vegar í því að innleiðingartímabil notendastýrðar persónulegrar aðstoðar (NPA) var framlengt til ársloka 2024 og hins vegar í fjölgun samninga á árunum 2023 og 2024.

Velferðarráð Kópavogs ítrekar nauðsyn þess að félags- og vinnumarkaðsráðuneytið standi við gefnar skuldbindingar um þátttöku í nýjum samningum um notendastýrða persónulega aðstoð. Ráðið hvetur félags- og vinnumarkaðsráðuneytið til að flýta gerð verklagsreglna til að eyða óvissu.

Greinargerð deildarstjóra dags. 6.5.2022, ásamt þar til greindum fylgiskjölum, lögð fram til upplýsingar.

Lagt fram.

Velferðarráð þakkar fyrir greinargóðar upplýsingar.