Vesturvör 22 og 24. Breytt deiliskipulag. Fyrirspurn.

Lögð fram uppfærð fyrirspurn Scala arkitekta f.h. lóðarhafa dags. 16. september 2022. Óskað er eftir áliti skipulagsráðs á tillögum að breyttu deiliskipulagi lóðanna. Í breytingunni felst stækkun lóðanna um 260 m² til norðurs, breytt fyrirkomulag byggingarreita, aukning heildarbyggingarmagns úr 6.950 m² í 13.540 m² ofanjarðar og neðanjarðar ásamt fjölgun íbúða úr 59 í 91 samtals á báðum lóðunum.

Á fundi skipulagsráðs 16. maí 2022 var afgreiðslu frestað.

Helgi Steinar Helgason arkitekt gerir grein fyrir erindinu.

Skipulagsráð lítur jákvætt á að framlögð fyrirspurn verði unnin áfram og höfð til hliðsjónar við útfærslu heildarsýnar fyrir þróunarsvæðið á Kársnesi (ÞR-1) með sex atkvæðum gegn atkvæði Helgu Jónsdóttur.

Bókun:

Undirrituð telur mikilvægt að íbúar geti gert sér grein fyrir hvernig þjónustu, uppbyggingu og nýtingu verður háttað á þróunarsvæði Kársness áður en frekari ákvarðanir um breytingu deiliskipulags ibúðabyggðar, stækkun byggingarmassa og fjölgun íbúða verða teknar. Hverfisskipulag með góðu íbúasamráði er leiðin til þess.

Helga Jónsdóttir

Fundarhlé kl. 16:53.

Fundur hófst að nýju kl. 17:00.

Lögð fram fyrirspurn Scala arkitekta f.h. lóðarhafa dags. 12. maí 2022. Óskað er eftir áliti skipulagsráðs á tillögum að breyttu deiliskipulagi lóðanna. Í breytingunni felst stækkun lóðanna um 260 m2, breytt fyrirkomulag byggingarreita, aukning heildarbyggingarmagns úr 6.950 m2 í 13.540 m2 ofanjarðar og neðanjarðar ásamt fjölgun íbúða úr 59 í 90 samtals á báðum lóðunum.

Helgi Steinar Helgason arkitekt gerir grein fyrir erindinu.

Afgreiðslu frestað.