Smiðjuvegur 76. Breytt deiliskipulag. Fyrirspurn.

Lögð fram fyrirspurn Sigurðar Hallgrímssonar arkitekts dags. 31. ágúst 2022 fh. lóðarhafa um breytingu á deiliskipulagi Smiðjuvegar 68-76 sem samþykkt var í bæjarstjórn 9. september 2003 með síðari breytingu samþykktri í bæjarstjórn 17. febrúar 2009. Breytingin nær aðeins til lóðarinnar að Smiðjuvegi 76.

Í breytingunni felst stækkun á lóð til norðurs um 1.230 m². Gert er ráð fyrir stækkun á núverandi byggingarreit til norðurs. Þar verður komið fyrir viðbyggingu á einni hæð fyrir lagerhúsnæði en vegna aukinna umsvifa standa vörur og gámar utandyra. Heildarbyggingarmagn eykst um 660 m² og verður eftir breytingu 3.668 m². Aðkoma breytist og fjöldi bílastæða eykst um 5 stæði.

Nýtingarhlutfall lóðar í dag er 0.5 sem breytist ekki við aukið byggingarmagn þar sem lóð stækkar og verður 7.279 m².

Meðfylgjandi eru uppdrættir dags. 31. ágúst 2022 í mælikvarða 1:500 og 1:200.

Skipulagsráð lítur jákvætt á að framlögð fyrirspurn verði unnin áfram.

Bókun skipulagsráðs:

Samhliða deiliskipulagsvinnu skal huga að breyttri legu hjólatenginga á svæðinu.