Álfhólsvegur 29, fyrirspurn.

Lögð fram fyrirspurn Sigurðar Hafsteinssonar byggingartæknifræðings f.h. lóðarhafa um breytingar á lóðinni nr. 29 við Álfhólsveg. Í breytingunni felst að núverandi einbýlishús á lóðinni verður rifið og nýbygging á tveimur hæðum með þremur íbúðum reist í þess stað. Heildarstærð nýbyggingarinnar er áætluð 442 m². Gert er ráð fyrir þremur bílastæðum á suðurhluta lóðarinnar ásamt stakstæðri hjóla- og vagnageymslu.

Nýtingarhlutfall á lóðinni eykst úr 0,12 í 0,42.

Uppdrættir í mkv. 1:500, 1:200 og 1:100 dags. 29. ágúst 2022.

Skipulagsráð lítur jákvætt á að framlögð fyrirspurn verði unnin áfram í samræmi við 44. gr. skipulagslaga nr. 123/2010 með sex atkvæðum.

Helga Jónsdóttir sat hjá við afgreiðslu málsins.