Erindi vegna umboðsmanns bæjarbúa

Tekið fyrir erindi frá síðasta fundi vegna umboðsmanns bæjarbúa.

Jafnréttis- og mannréttindaráð telur ekki ástæðu til að setja á fót embætti umboðsmanns bæjarbúa. Samkvæmt málefnasamning bæjarstjórnar er unnið að því að bæta upplýsingaflæði til íbúa. Unnið verður að því bæta þjónustu bæjarins með tæknilausnum sem spara tíma og fjármuni fyrir íbúa og bæjarfélagið sjálft. Tryggja skal að upplýsingum sem komið á framfæri til allra hópa samfélagsins. Einnig er á dagskrá að stofna sérstakt ráð sem leiða mun vinnu við að framfylgja þeim verkefnum sem ráðist verður í til að efla samráð og samskipti við bæjarbúa. Með þessum aðgerðum er verið ráðast að rót vandans sem er upplýsingaflæði og með stofnun slíks ráðs væri komið ígildi umboðsmanns þar sem íbúar geta leita til sé þess þörf.

Erindi frá nefndarmanni Pírata:

"Gagnsemi þess að koma á embætti umboðsmanns bæjarbúa verði kannað.

Lagt er til að möguleg gagnsemi umboðsmanns bæjarbúa verði könnuð og hvernig umboðsmaður bæjarbúa gæti hjálpað bæjarbúum sem eiga í samskiptum og hugsanlega deilum að verja réttindi sín en jafnframt mögulega að koma í veg fyrir mögulega dýrar lögsóknir fyrir dómstólum.

Greinargerð:Þegar hinn almenni borgari þarf að eiga í samskiptum við bæinn sérstaklega ef um er að ræða atriði sem ósætti er um gæti embætti umboðsmanns hjálpað mikið. Almennt mætti sjá fyrir sér að umboðsmaður myndi hjálpa bæjarbúum að skilja hvert hægt sé að leita með umkvörtunarefni og tryggja hagsmuni bæjarbúa í samskiptum við bæinn. Í þeim skilningi væri umboðsmaður bæjarbúa aðili sem bæjarbúar gætu leitað til séu hnökrar. Gagnsemi þess að tryggja rétt bæjarbúa ef bærinn einhverra hluta vegna gerir mistök við afgreiðslu mála er mikil sem og ef hægt er að beina álitamálum í farveg sem kallar ekki á úrskurð dómstóla. Í Reykjavík hefur embætti umboðsmanns borgarbúa starfað i nokkurn tíma og er almennt ánægja með það. Því tel ég rétt að bærinn kanni gagnsemi og möguleika þess að koma slíku embætti á í bænum."

Afgreiðslu erindis til næsta fundar.