Bæjarráð - 3106. fundur frá 10.11.2022

Fundargerð í 21 lið.

Lagt fram.

Bókun vegna liðar 4 í fundargerð bæjarráðs:

"Þrátt fyrir að bæjarstjóri Kópavogs hafi fyrir rúmum sjö mánuðum gefið mér jákvætt svar um að bærinn mundi skrá sig á lista yfir þau sveitarfélög sem ætla að taka á móti flóttamönnum frá Úkraínu hefur ekkert gerst enn. Í dag eru flóttamenn þaðan orðnir hátt í 2000 talsins á Íslandi.

Af fimm stærstu sveitarfélögum landsins er Kópavogur eina sveitarfélagið sem ekki hefur enn samið um samræmda móttöku flóttafólks við ríkið.

Kópavogur, næst stærsta sveitarfélag landsins dregur fæturna í þessu risastóra samfélagslega verkefni og skýlir sér á bak við það að ríkið finni ekkert húsnæði sem hentar fyrir flóttafólk í sveitarfélaginu. Engin tilraun er gerð af hálfu stjórnenda sveitarfélagsins til að koma til móts við þarfirnar en önnur sveitarfélög sem eru engu betur sett fjárhags- og húsnæðislega en Kópavogur eru látin bera þungann af málaflokknum.

Þrátt fyrir að bæjarfélagið státi af innleiðingu barnasáttmála og heimsmarkmiðum Sameinuðu þjóðanna og hampi þeim reglulega er samfélagsleg ábyrgð ekki í samræmi við það."

Bergljót Kristinsdóttir

Bókun vegna liðar 4 í fundargerð bæjarráðs:

"Kópavogur er nú þegar að taka á móti flóttafólki í sveitarfélaginu líkt og fram kom í kynningu sviðsstjóra velferðasviðs, þótt sveitarfélagið að sé ekki þátttakandi í samræmdri móttöku flóttafólks. Meirihlutinn sýnir fullan vilja til samtarfs við ríkisvaldið um þátttöku í samræmdri móttöku flóttafólks. Hefur bæjarstjóri átt samtal við ráðherra málaflokksins um forsendur verkefnisins. Í þeim viðræðum hafa línur orðið skýrari, m.a. um fjármögnun, þjónustu og útvegun húsnæðis."

Ásdís Kristjánsdóttir

Orri Hlöðversson

Hjördís Ýr Johnson

Andri Steinn Hilmarsson

Hannes Steindórsson

Sigrún Hulda Jónsdóttir

Bókun vegna 21. liðar í fundargerð bæjarráðs:

"Stór hluti siðareglna er að þau sem þær varða komi að því að skrifa þær og mikilvægt að vinna þær sérstaklega frekar en að samþykkja eldri reglur upp á nýtt."

Indriði I. Stefánsson