Breiðablik - Ósk um endurskoðun á rekstrar- og þjónustusamningum við félagið

Deildarstjóri íþróttadeildar lagði fram og kynnti vinnu og niðurstöður íþróttadeildar varðandi endurskoðun á rekstrar- og þjónustusamningum við íþróttafélögin.

Eftir ítarlega skoðun á rekstrar- og þjónustusamningum við íþróttafélögin telur íþróttaráð ekki ástæðu til að breyta þeirri aðferðafræði við útreikning framlags sem samningarnir byggja á í dag. Núverandi reikniregla vegna þjónustuframlags verður óbreytt en eftir sem áður geta félögin sent rökstudd gögn til íþróttadeildar vegna einstakra liða í rekstrarsamningum.

Fyrirspurn frá Gunnari Gylfasyni, fulltrúa Samfylkingar í íþróttaráði, um hvernig gangi með vinnu við endurskoðun á rekstrar- og þjónustusamningum við íþróttafélögin.

Deildarstjóri íþróttadeildar gerði grein fyrir að vinna við endurskoðun rekstrar- og þjónustusamninga við íþróttafélögin fari fram samhliða vinnu íþróttadeildar við gerð fjárhagsáætlunar fyrir árið 2024.

Lagt fram erindi frá Aðalstjórn Breiðabliks, dagsett 12. október 2022, þar sem óskað er eftir endurskoðun á rekstrar- og þjónustusamningi félagsins við Kópavogsbæ.

Íþróttaráð vísar erindinu til menntasviðs til úrvinnslu.