Fífuhvammur 45. Fyrirspurn.

Lögð fram fyrirspurn TAG teiknistofunnar ehf. f. h. lóðarhafa dags. 2. nóvember 2022, þar sem leitað er eftir leyfi til þess að byggja 64 m² bílskúr við lóðarmörk að Fífuhvammi 43. Skv. gildandi mæliblaði er bílastæði á lóðinni Reynishvamms megin.

Skýringaruppdráttur í mkv. 1:500 og 1:100 dags. 13. október 2022.

Þá lagt fram minnisblað skipulagsdeildar dags. 11. nóvember 2022.

Skipulagsráð lítur jákvætt á framlagða fyrirspurn með fimm atkvæðum. Helga Jónsdóttir og Hákon Gunnarsson sátu hjá við afgreiðslu málsins.

Fundarhlé kl. 18:25

Fundur hófst á ný kl. 18:32

Bókun frá Sigurbjörgu Erlu Egilsdóttur:

"Samkvæmt aðalskipulagi Kópavogs er hámarksfjöldi bílastæða 2 fyrir sérbýli. Yfirlýst markmið þessara viðmiða er að stuðla að sjálfbærri þróun og breyttum ferðavenjum, meðal annars með vísan til markmiða svæðisskipulags höfuðborgarsvæðisins um breyttar ferðavenjur árið 2040. Fjölgun bílastæða úr tveimur í fjögur (auk tvöfaldrar bílgeymslu) er því langt umfram þau viðmið sem eru sett fram í aðalskipulagi, vinnur gegn markmiðum um breyttar ferðavenjur og setur slæmt fordæmi."

Helga Jónsdóttir tekur undir bókun Sigurbjargar Erlu Egilsdóttur.