Digranesvegur 8-16A. Ósk um gerð deiliskipulags.

Lagt fram erindi Skala arkitekta f.h. lóðarhafa Digranesvegar 8, 10 og 12 dags. 19. október 2022 þar sem óskað er eftir samvinnu við skipulagsyfirvöld um gerð deiliskipulags fyrir lóðirnar nr. 8, 10, 12, 14, 16 og 16a við Digranesveg í samræmi við 38. gr. skipulagslaga nr. 123/2010. Jafnframt er óskað eftir að sveitarstjórn veiti heimild til að vinna tillögu að deiliskipulag fyrir umrætt svæði og afmarki mörk svæðisins.

Á fundi skipulagsráðs 14. nóvember 2022 var afgreiðslu frestað. Vísað til umsagnar skipulagsdeildar.

Þá lögð fram umsögn skipulagsdeildar dags. 1. desember 2022.

Skipulagsráð hafnar erindinu með tilvísun í umsögn skipulagsdeildar.

Bókun frá Hákoni Gunnarssyni og Helgu Jónsdóttur:

"Lög leyfa ekki að verða við ósk Skala arkitekta um að hefja deiliskipulagsgerð á Digranesvegi 8 - 16 A. Samkvæmt skipulagslögum ber sveitarstjórn ábyrgð á og annast gerð deiliskipulags. Þó er heimilt að veita landeiganda eða framkvæmdaraðila samkvæmt hans beiðni heimild til að vinna sjálfur að gerð deiliskipulags. Það má því aðeins leyfa að landeigandi eða framkvæmdaraðili hafi svæðið sem deiliskipuleggja allt á forræði sínu. Því er ekki til að dreifa.

Tekið er undir það sem fram kemur í umsögn skipulagsdeildar. Kópavogsbær á að gegna skipulagshlutverki sínu á þessu mikilvæga svæði, og hafa sterka framtíðarsýn og frumkvæði að leiðarljósi í þeirri vinnu. Við hvetjum til að Kópavogsbær hefji sem allra fyrst vinnu við samráð um þróun byggðar og mannlífs í miðbæ Kópavogs."

Hákon Gunnarsson vék af fundi kl. 18:10

Lagt fram erindi Skala arkitekta f.h. lóðarhafa Digranesvegar 8, 10 og 12 dags. 19. október 2022 þar sem óskað er eftir samvinnu við skipulagsyfirvöld um gerð deiliskipulags fyrir lóðirnar nr. 8, 10, 12, 14, 16 og 16a við Digranesveg í samræmi við 38. gr. skipulagslaga nr. 123/2010. Jafnframt er óskað eftir að sveitarstjórn veiti heimild til að vinna tillögu að deiliskipulag fyrir umrætt svæði og afmarki mörk svæðisins.

Afgreiðslu frestað. Vísað til umsagnar skipulagsdeildar.