Fjallalind 129. Fyrirspurn.

Lögð fram fyrirspurn Ívars Haukssonar byggingarverkfræðings f.h. lóðarhafa dags. 9. nóvember 2022 um að núverandi einbýli á lóðinni verði skipt í tvær séríbúðir, eina á hvorri hæð.

Þá lagt fram minnisblað skipulagsdeildar dags. 24. nóvember 2022.

Skipulagsráð lítur neikvætt á framlagða fyrirspurn með fjórum atkvæðum gegn atkvæði Theódóru S. Þorsteinsdóttur. Helga Jónsdóttir og Hákon Gunnarsson sátu hjá við afgreiðslu málsins.

Bókun Sigurbjargar E. Egilsdóttur og Theódóru S. Þorsteinsdóttur:

"Innan þess hluta deiliskipulagsins sem skilgreint er sem einbýlishúsasvæði og telur 21 hús hefur nú þegar tveimur einbýlishúsum verið breytt í tvíbýli samkvæmt skráningu. Enn fleiri húsum hefur verið breytt í tvær íbúðir þó húsið sé enn á einu fastanúmeri. Undirritaðar telja að auglýsa ætti tillöguna og leyfa íbúum svæðisins þannig að segja til um það hvort þau séu jákvæð í garð slíkrar þróunar."