Þjónusta við ungt fólk í Kópavogi

Upplýsingar um starfsemi Molans lagðar fram til kynningar.

Amanda K. Ólafsdóttir, deildarstjóri frístundadeildar, kynnti þjónustu við ungt fólk í Kópavogi sem fram fer í Molanum ungmennahúsi.Menntaráð fagnar metnaðarfullu starfi og stefnir á að heimsækja Molann.

Samantekt á starfsemi Molans ungmennaráði til upplýsinga.

Lagt fram til kynningar.

Frá menntasviði, dags. 28.03.2023, lagðar fram upplýsingar um starfsáætlun Molans ásamt kostnaðargreiningu núverandi stöðu og fyrirliggjandi tillögu menntaráðs. Tillagan var lögð fram á 111. fundi menntaráðs þann 21. mars sl. Bæjarráð tók málið fyrir á fundi sínum þan 23. mars og óskaði þá eftir þeim gögnum sem lögð er nú fram. Bæjarráð vísaði jafnframt erindinu til umsagnar ungmennaráð og liggur hún undir lið nr. 13.

Dagskrártillaga:

Undirrituð óskar frestunar málsins.

Theódóra S. Þorsteinsdóttir

Bæjarstjórn hafnar dagskrártillögunni með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Kolbeins Reginssonar, Helgu Jónsdottur og Bergljótar Kristinsdóttur.


Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Kolbeins Reginssonar og Helgu Jónsdottur og hjásetu Bergljótar Kristinsdóttur

Frá menntasviði, dags. 28.03.2023, lagðar fram upplýsingar um starfsáætlun Molans ásamt kostnaðargreiningu núverandi stöðu og fyrirliggjandi tillögu menntaráðs. Tillagan var lögð fram á 111. fundi menntaráðs þann 21. mars sl. Bæjarráð tók málið fyrir á fundi sínum þan 23. mars og óskaði þá eftir þeim gögnum sem lögð er nú fram. Bæjarráð vísaði jafnframt erindinu til umsagnar ungmennaráð og liggur hún undir lið nr. 13.

Theódóra S. Þorsteinsdóttir vék af fundi kl. 11:03.

Ásdís Kristjánsdóttir vék af fundi kl. 11:11.

Bæjarráð samþykkir með fjórum atkvæðum að vísa málinu til afgreiðslu bæjarstjórnar, jafnframt er óskað eftir frekari upplýsingum um vilja félagasamtaka til samstarfs, upplýsingum um starfslýsingu forstöðumanns og fyrirhugaðrar stöðu verkefnastjóra, auk nánari upplýsinga um samráð við hagaðila.

Bókun:

"Fyrirhugaðar breytingar á þjónustu við ungt fólk í Kópavogi er nauðsynlegt að kynna fyrir öllum hagaðilum og fá frá þeim skriflega umsögn. Forstöðumenn félagsmiðstöðva í Kópavogi eru hluti af þessum hagaðilum og við hörmum að fá ekki að vita þeirra afstöðu til þessa máls. Jafnframt teljum við þurfa meiri vissu fyrir fyrirhugaðri samvinnu við einstaka félagasamtök."

Bergljót Kristinsdóttir

Sigurbjörg Erla Egilsdóttir

Tillaga að þjónustu við ungt fólk í Kópavogi. Á fundi bæjarráðs 23.mars 2023 var óskað eftir umsögn ungmennaráðs við tillögu.

Ungmennaráði Kópavogs lýst mjög vel á tillögu um að styrkja þjónustu við ungt fólk í Kópavogi. Ungmennaráð tekur sérstaklega undir fyrirætlanir um að auka starfshlutfall ráðgjafa ungmenna. Jafnframt leggur ungmennaráð áherslu á að upplýsa betur um starfsemi Molans og þá þjónustu sem ungu fólki býðst í sveitarfélaginu.

Ungmennaráð tekur vel í að eiga áframhaldandi samstarf við menntasvið um útfærslu og innleiðingu tillögunnar.

Ungmennaráði þykir mikilvægt að styrkja starf ráðgjafa ungmenna í Molanum fyrir nemendur í skólasóknarvanda og að þeir fái hvatningu, ráðgjöf og stuðning til efla sig.

Tillaga lögð fram.

Bæjarráð vísar erindinu til umsagnar ungmennaráðs, auk upplýsinga um starfsáætlun Molans, samanburð kostnaðargreiningar núverandi stöðu og fyrirliggjandi tillögu.

Tillaga um þjónustu við ungt fólk kynnt.

Ungmennaráði Kópavogs lýst mjög vel á tillögu um að styrkja þjónustu við ungt fólk í Kópavogi. Ungmennaráð tekur sérstaklega undir fyrirætlanir um að auka starfshlutfall ráðgjafa ungmenna. Jafnframt leggur ungmennaráð áherslu á að upplýsa betur um starfsemi Molans og þá þjónustu sem ungu fólki býðst í sveitarfélaginu.

Ungmennaráð tekur vel í að eiga áframhaldandi samstarf við menntasvið um útfærslu og innleiðingu tillögunnar.

Tillaga lögð fram.

Amanda K. Ólafsdóttir, verkefnastjóri frístundadeildar og Anna Birna Sveinbjörnsdóttir, sviðstjóri menntasviðs gerðu grein fyrir tillögu um breytingar á þjónustu við ungt fólk.

Sigurbjörg Erla Egilsdóttir lagði til að tillögu um þjónustu við ungmenni yrði vísað til ungmennaráðs til umsagnar, menntaráð feldi tillöguna með 4 atkvæðum gegn 3 atkvæðum.

Menntaráð samþykkir fyrir sitt leyti, með 4 atkvæðum, tillöguna um þjónustu við ungt fólk og vísar henni til bæjarráðs og bæjarstjórnar til afgreiðslu. Jafnframt felur ráðið deildarstjóra frístundadeildar að leita eftir umsagnar ungmennaráðs og leggja fram með tillögu til bæjarráði og bæjarsstjórn.

Undirrituð eru ekki tilbúin til þess að taka efnislega afstöðu til tillögunnar, þar sem ungmennaráð hefur ekki fengið erindið til umfjöllunar og þar með liggur afstaða ráðsins ekki fyrir.

Samkvæmt erindisbréfi ungmennaráðs, og æskulýðslögum (nr. 70/2007), er hlutverk þess að vera bæjarstjórn Kópavogs og öðrum nefndum til ráðgjafar um málefni barna og ungmenna. Menntaráð ætti því að afla umsagnar ungmennaráðs áður en málið fær afgreiðslu.

Sigurbjörg Erla Egilsdóttir, fulltrúi Pýrata, Einar Örn Þorvarðarson, fulltrúi Viðreisnar, Donata H Bukowska, fulltrúi Samfylkingar og Þórarinn Ævarsson, fulltrúi Vina Kópavogs.

Sigvaldi Egill Lárusson, formaður menntaráðs, Hanna Carla Jóhannsdóttir, Haukur Einarsson fulltrúar Sjálfstæðisflokks og Sigrún Hulda Jónsdóttir, fulltrúi Framsóknarflokks lögðu fram eftirfarandi bókun:

Ugmennaráð hefur sannarlega verið til ráðgjafar í þessu máli og gerð skýrslunnar sem þessar tillögur byggja á. Ekki er þó við hæfi að ugmennaráð sem skipað er ungmennum á aldrinum 13-20 ára taki ákvarðanir um skipulagsbreytingar sem þessar. Leitað verður eftir umsögn frá ungmennaráði eins og samþykkt meirihluta menntaráðs gerir ráð fyrir áður en málið fer fyrir bæjarráð. Efni tillögunar er virkilega jákvætt fyrir þjónustu við ungt folk í Kópavogi og mikilvægt að hrinda því af stað sem fyrst. Ef tillagan verður samþykkt hjá bæjarráði og bæjarstjórn verður samráð haft við ungmennaráð um innleiðingu tillögunar.

Sigurbjörg Erla Egilsdóttir, fulltrúi Pýrata, Einar Örn Þorvarðarson, fulltrúi Viðreisnar, Donata H Bukowska, fulltrúi Samfylkingar og Þórarinn Ævarsson, fulltrúi Vina Kópavogs lögðu fram eftirfarandi bókun:

Núverandi ungmennaráð hefur sannarlega ekki verið til ráðgjafar í þessu tiltekna máli, en fulltrúar ungmennaráðs árið 2019 tóku þátt í vinnu við að móta tillögur um aðgerðir til umbóta í þjónustu við ungt fólk. Það að fullyrða að ekki sé við hæfi að ungmenni taki ákvörðun um skipulagsbreytingar sem þessa felur bæði í sér útúrsnúning og vanvirðingu við ungmennaráð.

Samkvæmt erindisbréfi ungmennaráðs skulu fundir ungmennaráðs haldnir fyrir opnum dyrum, og telst fundur aðeins löglega boðaður með að minnsta kosti eins sólarhrings fyrirvara með skriflegri dagskrá. Ekki næst að afla afstöðu ungmennaráðs með fullnægjandi fyrirvara svo umsögnin berist í tæka tíð með fundarboði bæjarráðs næstkomandi fimmtudagsmorgunn þannig að fundarmenn hafi lögmætan fyrirvara á boðun og gögnum. Undirrituð harma að ekki sér borin meiri virðing fyrir ungmennaráði í sjálfu barnvæna samfélaginu Kópavogsbæ, sem hefur skuldbundið sig til þess að framfylgja barnasáttmála Sameinuðu þjóðanna og þar með bera virðingu fyrir skoðunum barna, hlusta og taka mark á þeim.

Sigvaldi Egill Lárusson, formaður menntaráðs, Hanna Carla Jóhannsdóttir, Haukur Einarsson fulltrúar Sjálfstæðisflokks og Sigrún Hulda Jónsdóttir, fulltrúi Framsóknarflokks lögðu fram eftirfarandi bókun:

Meirihluti menntaráðs harmar afstöðu minnihlutanas í þessu jákvæða máli. Samkvæmt 5. Gr erindisbréfs ungmennaráðs er ráðinu heimilt að funda strax ef það er mál sem krefst skjótrar úrlausna. Ekki er við hæfi að setja börn og ungmenni 13-20 ára í þær aðstæður að taka stórar ákvarðanir í viðkvæmum skipulagsbreytingum og niðurlagningu starfa sem þessar tillögur fela í sér. Meirihluti menntaráðs er einmitt með hag barnanna þarna að leiðarljósi.

Meitihluti menntaráðs ítrekar að fullt samráð verði haft við ungmennaráð í innleiðingu á þessum jákvæðu tillögu sem mun fela í sér aukna þjónustu við ungt folk.