Stjórnsýsla - Menningarmál

Á vinnufundi bæjarfulltrúa, þann 21. mars s.l. fór fram kynning á greiningu KPMG á starfsemi menningarhúsanna.

Á 149. fundi lista- og menningarráðs þann 22. mars var lögð fram greining KPMG á starfsemi menningarhúsa Kópavogs. Lista- og menningarráð óskaði á þeim fundi eftir tölulegum upplýsingum um rekstur menningarhúsanna í tengslum við úttekt KPMG.

Á fundi bæjarráðs nr. 3123 þann 23. mars, var umræða um málið og lögð fram skýrsla KPMG.

Á 150. fundi lista- og menningarráðs þann 28. mars kynnti bæjarstjóri tillögur að nýjum sóknarfærum í starfsemi menningarhúsanna, dags. 27. mars 2023.

Gögn sem lögð voru fram á fundinum:

Tillögur bæjarstjóra Kópavogs að nýjum sóknarfærum í starfsemi menningarhúsanna, dagsett 27. mars 2023.

Greining á rekstri og tækifærum til hagræðingar menningarmála Kópavogs frá KPMG, dagsett 27. mars 2023.

Úttekt á húsnæði Héraðsskjala- og bókasafns Fannborg 3-5, dagsett 27. mars 2023.

Á fundi bæjarráðs nr. 3124. þann 30. mars var málið á dagskrá í annað sinn og umræður um það.

Á 151. fundi lista- og menningarráðs þann 30. mars komu forstöðumenn menningarhúsa á fund ráðsins og óskaði ráðið þá eftir skriflegum umsögnum frá forstöðumönnum um úttekt KPMG á þeim menningarstofnunum sem þeir stjórna.

Á 152. fundi lista- og menningarráðs þann 11. apríl voru lagðar fram umsagnir forstöðumanna menningarhúsa. Lista-og menningarráð vísaði málinu til afgreiðslu bæjarráðs- og bæjarstjórnar.

Bæjarráð tók málið fyrir á 3125. fundi sínum þann 13. apríl og vísaði tillögum bæjarstjóra til afgreiðslu bæjarstjórnar.

Fundarhlé hófst kl. 19:16, fundi fram haldið kl. 19:50

Tillaga:

"Lagt er til að afgreiðslu tillagna bæjarstjóra verði vísað til stefnumarkandi fjárhagsáætlunargerðar."

Sigurbjörg E. Egilsdóttir, Theódóra S. Þorsteinsdóttir, Hákon Gunnarsson, Helga Jónsdóttir og Kolbeinn Reginsson.

Bæjarstjórn hafnar tillögunni með sex atkvæðum gegn atkvæðum Sigurbjargar E. Egilsdóttur, Theódóru S. Þorsteinsdóttur, Hákons Gunnarssonar, Helgu Jónsdóttur og Kolbeins Reginssonar.

Bókun:

"Allar tillögur bæjarstjóra eru ótækar til ákvörðunar í bæjarstjórn vegna skorts á nauðsynlegum upplýsingum. Engin greining liggur fyrir á þeim kostnaði eða sparnaði sem tillögurnar eiga að leiða til. Margar staðhæfingar í skýrslu KPMG sem tillögurnar byggjast á eru rangar. Þá hefur ekki verið unnt að eiga samráð vegna þeirrar leyndar sem hefur hvílt á tillögunum allt fram að fundi bæjarstjórnar. Ákvarðanir bæjarstjórnar eiga að koma í kjölfarið á samvinnu og stefnumótun, ekki öfugt."

Sigurbjörg E. Egilsdóttir, Theódóra S. Þorsteinsdóttir, Hákon Gunnarsson, Helga Jónsdóttir og Kolbeinn Reginsson

Fundarhlé hófst kl. 17:52, fundi fram haldið kl. 19:57.

Bókun:

"Fulltrúar meirihlutans eru ósammála þeim fullyrðingum sem fram koma í bókun minnihlutans. Í fyrirliggjandi tillögum um starfsemi menningarhúsanna eru stigin stór skref í að efla enn frekar menningarstarfsemi bæjarins til framtíðar. Með tillögunum er verið að endurhugsa starfsemi menningarhúsa, samþætta betur starfsemi stofnana og bjóða upp á nýja og spennandi valkosti þannig að menning í Kópavogi uppfylli enn frekar þarfir og væntingar bæjarbúa."

Ásdís Kristjánsdóttir, Orri Hlöðversson, Hjördís Ýr Johnson, Sigrún H. Jónsdóttir, Andri S. Hilmarsson og Hannes Steindórsson.

Fundarhlé hófst kl. 19:58, fundi fram haldið kl. 19:59.

Bókun:

"Vinnubrögð bæjarstjóra í þessu máli eru bæði ófagleg og ólýðræðisleg."

Sigurbjörg E. Egilsdóttir, Theódóra S. Þorsteinsdóttir, Hákon Gunnarsson, Helga Jónsdóttir og Kolbeinn Reginsson

Fyrir fundinum liggja 12 tillögur bæjarstjóra um ný sóknarfæri í starfsemi menningarhúsa Kópavogsbæjar:

Tillaga 1

Lagt er til að gert verði nýtt upplifunarrými sem tengir saman bókmenntir, myndlist, náttúruvísindi og tónlist fyrir börn og fjölskyldur á fyrstu hæð Bókasafnsins og Náttúrufræðistofu.

Bæjarstjórn samþykkir tillöguna með sex atkvæðum gegn atkvæðum Hákonar Gunnarssonar, Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur og Kolbeins Reginssonar.


Tillaga 2

Lagt er til að virkja enn frekar samstarf milli menningarhúsanna með sérstöku tengslatorgi starfsmanna þvert á húsin sem sinna fræðslu, viðburðum, skólahópum, kynningar- og markaðsmálum.

Bæjarstjórn samþykkir tillöguna með sex atkvæðum gegn atkvæðum Hákonar Gunnarssonar, Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur og Kolbeins Reginssonar.


BÓKASAFN KÓPAVOGS

Tillaga 3

Lagt er til að áhersla verði lögð á aukna sjálfsafgreiðslu í bókasöfnum Kópavogs.

Bæjarstjórn samþykkir tillöguna með sex atkvæðum gegn atkvæðum Hákonar Gunnarssonar, Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur og Kolbeins Reginssonar.


Tillaga 4

Lagt er til að starfslýsingum verði breytt og þær aðlagaðar að nýjum áherslum.

Bæjarstjórn samþykkir tillöguna með sex atkvæðum gegn atkvæðum Hákonar Gunnarssonar, Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur og Kolbeins Reginssonar.


NÁTTÚRUFRÆÐISTOFA

Tillaga 5

Lagt er til að safneign Náttúrufræðistofu, fræðsla, miðlun og rannsóknir á henni færist undir forstöðumann Gerðarsafns.

Bæjarstjórn samþykkir tillöguna með sex atkvæðum gegn atkvæðum Hákonar Gunnarssonar, Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur og Kolbeins Reginssonar.


Tillaga 6

Lagt er til að rannsóknastarfsemi, önnur en á safneign, og vöktun á vatnalífríki verði lögð niður og færð öðrum í samstarfi við Kópavogsbæ.

Bæjarstjórn samþykkir tillöguna með sex atkvæðum gegn atkvæðum Hákonar Gunnarssonar, Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur og Kolbeins Reginssonar.


GERÐARSAFN

Tillaga 7

Lagt er til að opnunartíma verði breytt í takt við breyttar þarfir.

Bæjarstjórn samþykkir tillöguna með sex atkvæðum gegn atkvæðum Hákonar Gunnarssonar, Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur og Kolbeins Reginssonar.


Tillaga 8

Lagt er til að boðið verði í auknum mæli upp á námskeið og fræðslu á vegum safnsins, til dæmis kvöldnámskeið sem tengjast menningu og listum.

Bæjarstjórn samþykkir tillöguna með sex atkvæðum gegn atkvæðum Hákonar Gunnarssonar, Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur og Kolbeins Reginssonar.


Tillaga 9

Lagt er til að aukin áhersla verði á að sækja nýjar tekjur til safnsins.

Bæjarstjórn samþykkir tillöguna með sex atkvæðum gegn atkvæðum Hákonar Gunnarssonar, Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur og Kolbeins Reginssonar.


HÉRAÐSSKJALASAFN

Tillaga 10

Lagt er til að Héraðsskjalasafn Kópavogs verði lagt niður og farið verði í samvinnu við Þjóðskjalasafn Íslands um að taka við safnkostinum og skjölum Kópavogsbæjar verði eftirleiðis skilað til Þjóðskjalasafnsins.

Bæjarstjórn samþykkir tillöguna með sex atkvæðum gegn atkvæðum Hákonar Gunnarssonar, Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur og Kolbeins Reginssonar.


Tillaga 11

Lagt er til að einkasöfnum, ljósmyndasafni Kópavogs og Sögufélagi Kópavogs verði tryggð aðstaða og áframhaldandi starfsemi í stofnunum bæjarins.

Bæjarstjórn samþykkir tillöguna með sex atkvæðum gegn atkvæðum Hákonar Gunnarssonar, Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur og Kolbeins Reginssonar.


SALURINN

Tillaga 12

Lagt er til að stofnaður verði starfshópur sem komi með tillögur til bæjarstjóra um hvernig unnt sé að fjölga viðburðum og komu gesta. Þá verði meðal verkefna starfshópsins að kortleggja kosti þess og galla við að útvista rekstri Salarins.

Bæjarstjórn samþykkir tillöguna með sex atkvæðum gegn atkvæðum Hákonar Gunnarssonar, Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur og Kolbeins Reginssonar.

Lögð fram í annað sinn skýrsla KPMG um menningarmál Kópavogsbæjar. Einnig eru lagðar fram tillögur bæjarstjóra ásamt minnisblaði um húsnæði Héraðsskjalasafns.

Umræður.

Lögð fram skýrsla KPMG um menningarmál Kópavogsbæjar.

Umræður.