Breiðablik - Umsókn um æfingatíma 2023-2024

Lögð fram umsókn Aðalstjórnar Breiðabliks dags. 8. ágúst sl., þar sem félagið sækir um æfingatíma fyrir fimm deildir, en það eru karate-, knattspyrnu-, körfuknattleiks-, skíða- og taekwondodeild.

Íþróttaráð samþykkir eftirfarandi;

Karatedeild:

Óskað er eftir 7 tímum í Íþróttahúsi Kópavogsskóla, 5 tíma á fimmtudegi frá 16-21 og 2 tíma á föstudegi frá kl. 16-18. Samþykkt að úthluta deildinni 7 tímum í íþróttahúsi Kópavogsskóla á umbeðnum dögum.

Knattspyrnudeild:

Óskir um tíma á Kópavogsvelli og Fagralundi samþykktar. Á Kópavogsvelli fær deildin úthlutað 65 einingum og 101 einingu í Fagralundi.

Í Fífunni fær deildin áfram þá tíma sem hún hafði til ráðstöfunar á síðasta vetri. Að auki fær deildin úthlutað þeim leigutímum sem nú eru í útleigu í Fífunni, alls 6 einingar. Úthlutun leigutíma í Fífunni til deildarinnar er tímabundin og miðast við að tímar fari aftur í leigu í Fífunni ef/þegar aðstaða deildarinnar til æfinga og keppni batnar.

Körfuknattleiksdeild:

Hægt er að verða við óskum deildarinnar um 5 tíma í Kársnesi. Tími sem óskað var eftir á miðvikudegi (17-18) verður hinsvegar að færast yfir á fimmtudaga (17-18). Deildin óskaði eftir 32,5 tímum í Fagralundi næsta vetur. Ekki er hægt að verða við þeirri ósk en deildin fær úthlutað 22 tímum í Fagralundi.

Þegar viðburðir eða mót eru í Smáranum/Fífunni sem hafa mikil áhrif á starfsemi körfuknattleiksdeildar, stendur Fagrilundur deildinni til boða á meðan. Sækja þarf um þessar helgar sem allra fyrst að hausti en þó aldrei með minni en 6 vikna fyrirvara.

Skíðadeild:

Deildin fær úthlutað 3 tímum í íþróttahúsi Lindaskóla eins og óskað var eftir. Mögulega er nauðsynlegt að færa tímana eitthvað til, til að fá betri nýtingu á húsið.

Taekwondodeild:

Fær úthlutað sömu tímum í Lindaskóla og á síðasta ári eins og deildin óskaði eftir.