HK - Umsókn um æfingatíma 2023-2024

Lögð fram umsókn aðalstjórnar HK dags. 23. maí, þar sem félagið sækir um æfingatíma fyrir fimm deildir, þ.e. bandý-, blak-, borðtennis-, handknattleiks- og knattspyrnudeild.

Íþróttaráð samþykkir eftirfarandi:

Bandýdeild:

Fær úthlutað 7 tímum í Digranesi eins og óskað er eftir. HK hefur til ráðstöfunar tíma í stóra salnum eftir að skóla lýkur á daginn og til kl. 22:00 á kvöldin.

Blakdeild:

Deildin óskar eftir 47,5 tímum í Fagralundi og 13 tímum í Digranesi. Ekki er hægt að verða við óskum deildarinnar um fjölda tíma í Fagralundi en þar fær deildin úthlutað 27 tímum. Í Digranesi fær deildin 13 tíma til ráðstöfunar eins og óskað var eftir.

Borðtennisdeild:

Fær úthlutað 16 tímum í Snælandsskóla með fyrirvara um áframhaldandi starfsleyfi.

Handknattleiksdeild:

Fær úthlutað 27 tímum í Digranesi eins og óskað var eftir. Í Kársnesi fær deildin úthlutað 4 tímum. Tímar sem óskað var eftir í Kársnesi á mánudegi (16-18) verða hinsvegar að færast yfir á föstudaga (16-18).

Knattspyrnudeild:

Fær úthlutað sama tímafjölda í Kórnum og félagið hafði á síðasta vetri. Deildin verður áfram með sömu tíma og á liðnu tímabili á gervigrasi úti við Kórinn. Ekki er hægt að verða við óskum deildarinnar um fjölgun tíma í Knatthúsi Kórsins.