Nýbýlavegur 1. Fyrirspurn.

Lögð fram að nýju fyrirspurn frá Klasa ehf. dags. 15. nóvember 2023 f.h. lóðarhafa lóðarinnar nr. 1 við Nýbýlaveg þar sem óskað er eftir samtali við skipulagsráð um þróun lóðarinnar. Fyrirspurnin var áður lögð fram á fundi skipulagsráðs 20. nóvember s.l. Skipulagsráð frestaði afgreiðslu og óskaði eftir minnisblaði um forsögu málsins og stöðu.

Þá er lagt fram minnisblað dags. 28. nóvember 2023.

Skipulagsráð leggur til að hafið verði samtal um framtíðarþróun lóðarinnar með sex atkvæðum Hjördísar Ýrar Johnson, Kristins D. Gissurarsonar, Andra Steins Hilmarssonar, Gunnars Sæs Ragnarssonar, Kolbeins Reginssonar og Hákonar Gunnarssonar gegn atkvæði Theódóru S. Þorsteinsdóttur. Lögð er áhersla á að ríkt samráð verði haft við íbúa í Lundi.

Bókun:

Undirrituð telur að sömu forsendur eigi við og komu fram í erindi frá Vegagerðinni 2017 um ómögulegt aðgengi frá Nýbýlavegi. Áður en samtal um framtíðarþróun lóðarinnar á sér stað þyrfti að fá staðfestingu á aðgengi inn á lóðina.

Theodóra S. Þorsteinsdóttir

Lögð fram fyrirspurn frá Klasa ehf. dags. 15. nóvember 2023 f.h. lóðarhafa lóðarinnar lóðarinnar nr. 1 við Nýbýlaveg þar sem óskað er eftir samtali um þróun lóðarinnar.

Afgreiðslu frestað. Skipulagsráð óskar eftir minnisblaði um forsögu málsins og stöðu.