Ósk um endurskoðun á aðal- og deiliskipulagi á íþróttasvæði Breiðabliks í Smáranum

Lagt fram erindi Ásgeirs Baldurs, formanns Breiðabliks f.h. aðalsstjórnar félagsins dags. 19. júní 2023 sem sent var bæjarstjóra og formanni bæjarráðs. Í erindinu er óskað eftir endurskoðun á aðal- og deiliskipulag á því svæði sem Breiðablik nýtir í Kópavogsdal.

Erindið var lagt fram á fundi bæjarráðs þann 22. júní 2023 og vísað til umsagnar skipulagsfulltrúa. Á fundi bæjarráðs þann 31. ágúst 2023 var erindið lagt fram að nýju ásamt umsögn skipulagsfulltrúa dags. 1. ágúst 2023. Bæjarráð samþykkti að bæjarstjóra yrði falið að koma með tillögu að stofnun starfshóps sem hefði það hlutverk að vinna heildarsýn fyrir Kópavogsdal.

Jafnframt er lögð fram ofangreind umsögn skipulagsfulltrúa dags. 1. ágúst 2023.

Lagt fram.

Bókun:

„Breiðablik er stærsta íþróttafélag Íslands með um 4.000 félagsmenn og innan knattspyrnudeildarinnar eru rétt um 2.000 iðkendur. Aðstaða Breiðabliks í Kópavogsdal er löngu sprungin og þarfnast endurskoðunar ef félagið á að vaxa og dafna eins og kemur fram í erindi formanns Breiðabliks frá 19.6 2023 til bæjarráðs. Erindið snertir endurskoðun á íþróttasvæði ÍÞ-4 og inniheldur beiðni um að leggja fram vinnslutillögu að deiliskipulagi um það svæði. Afgreiðsla bæjarráðs var að skipa skyldi starfshóp um heildarsýn fyrir Kópavogsdal. Brýnt er að í vinnu starfshópsins verði tekið mið af þörfum Breiðabliks til að félagið geti tryggt áframhaldandi starfsemi sína sem leiðandi íþróttafélag á landsvísu.“

Hákon Gunnarsson og Andri Steinn Hilmarsson.

Erindi frá formanni Breiðabliks með ósk um endurskoðun á aðal- og deiliskipulagi íþróttasvæðis Breiðabliks í Smáranum. Bæjarráð samþykkti á fundi sínun þann 22.06 að vísa málinu til umsagnar skipulagsfulltrúa. Nú lögð fram umsögn skipulagsfulltrúa, dags. 01.08.2023.

Bókun bæjarráðs:

Bæjarstjóra er falið að koma með tillögu að stofnun starfshóps á næsta fundi bæjarráðs, sem hefði það hlutverk að vinna heildarsýn fyrir Kópavogsdal. Jafnframt verði lögð fram drög að erindisbréfi fyrir starfshópinn þar sem nánar yrði skilgreint hlutverk og skipan hans.

Erindi frá formanni Breiðabliks með ósk um endurskoðun á aðal- og deiliskipulagi íþróttasvæðis Breiðabliks í Smáranum (Íþ-4).

Bæjarráð samþykkir að vísa málinu til umsagnar skipulagsstjóra.