Bæjarráð - 3140. fundur frá 31.08.2023

Fundargerð í 16 liðum.

Lagt fram.

Vegna máls nr. 9 á dagskrá bæjarráðs:

Bókun:

"Þar sem bæjarstjóri krafði undirritaðar skýringa á því hvers vegna þær hafi ekki tekið undir bókun meirihlutans í bæjarráði þá skal eftirfarandi komið á framfæri: Undirritaðar taka undir mikilvægi þess að ríkið fullfjármagni þjónustu við fatlað fólk. Hins vegar teljum við ósanngjarnt að ræða um fatlað fólk sem bagga og nota það sem bitbein í deilum ríkis og sveitarfélaga. Það er óviðeigandi með öllu að gefa í skyn að sveitarfélögin hafi ekki fjárhagslega burði til að sinna þeirri lögbundnu þjónustu sem fatlað fólk á rétt á. Ef til þess kæmi að skera þyrfti niður einhverja þjónustu sveitarfélagsins myndu lögbundin verkefni að sjálfsögðu alltaf ganga fyrir."

Theódóra S. Þorsteinsdóttir

Sigurbjörg E. Egilsdóttir


Bókun:

"Viðbrögð bæjarfulltrúa Viðreisnar og Pírata við einfaldri fyrirspurn bæjarstjóra koma á óvart. Bókun þeirra lýsir með engum hætti þeirri bókun sem fulltrúar meiri- og minnihluta lögðu fram á bæjaráðsfundi og hljóðaði svo: „Bæjarráð tekur undir bókun stjórnar SSH og telur mikilvægt að viðræður milli ríkis og sveitarfélaga um fjármögnun málaflokksins verði leiddar til lykta hið fyrsta. Vanfjármögnun málaflokksins er grafalvarleg og hættan er raunverulega sú að sveitarfélög hafi ekki fjárhagslega burði til að sinna þeirri þjónustu sem fatlaðir eiga rétt á. Ávinningur þess að ljúka viðræðum um fjármögnun er augljós fyrir fatlað fólk, sveitarfélög og ríkið. Ef ekki næst ásættanleg niðurstaða þarf að huga að því að málaflokkurinn verði fluttur aftur til ríkisins.

Mikilvægt er að unnt sé að ræða einstaka málaflokka öðru vísi en með upphrópunum.

Ásdís Kristjánsdóttir

Orri V. Hlöðversson

Hjördís Ýr Johnson

Andri S. Hilmarsson

Sigrún Hulda Jónsdóttir

Hanna Carla Jóhannsdóttir


Bókun:

"Undirritaðar taka undir mikilvægi þess að ræða málin án upphrópana. Það sem er óvenjulegt hér er að bæjarstjóri fari upp í pontu og krefji einstaka bæjarfulltrúa svara um hvers vegna þeir tóku ekki undir bókun meirihluta á liðnum fundi."

Theódóra S. Þorsteinsdóttir

Sigurbjörg E. Egilsdóttir


Bókun:

"Fyrirspurn bæjarstjóra var einföld ósk um afstöðu til málsins en ekki krafa."

Ásdís Kristjánsdóttir

Orri V. Hlöðversson

Hjördís Ýr Johnson

Andri S. Hilmarsson

Sigrún Hulda Jónsdóttir

Hanna Carla Jóhannsdóttir