Bókun stjórnar SSH. Málefni fatlaðs fólks á höfuðborgarsvæðinu.

Frá SSH, dags. 25.08.2023, lagt fram minnisblað um málefni fatlaðs fólks á höfuðborgarsvæðinu. Einnig lögð fram skýrsla starfshóps um heildarendurskoðun laga nr. 38/2018 frá apríl 2022.

Bókun:

Bæjarráð tekur undir bókun stjórnar SSH og telur mikilvægt að viðræður milli ríkis og sveitarfélaga um fjármögnun málaflokksins verði leiddar til lykta hið fyrsta. Vanfjármögnun málaflokksins er grafalvarleg og hættan er raunverulega sú að sveitarfélög hafi ekki fjárhagslega burði til að sinna þeirri þjónustu sem fatlaðir eiga rétt á. Ávinningur þess að ljúka viðræðum um fjármögnun er augljós fyrir fatlað fólk, sveitarfélög og ríkið. Ef ekki næst ásættanleg niðurstaða þarf að huga að því að málaflokkurinn verði fluttur aftur til ríkisins.

Ásdís Kristjánsdóttir

Hjördís Ýr Johnson

Orri Hlöðversson

Andri Steinn Hilmarsson

Helga Jónsdóttir

Bergljót Kristinsdóttir