Ósk frá HK um merkingar á Salavelli

Lagt fram erindi frá Aðalstjórn HK, dags. 10. ágúst 2023, þar sem óskað er eftir að félagið fá að setja upp merki félagsins við knattspyrnuvelli í Versölum sem hafa verið æfingavellir knattspyrnudeildar félagsins yfir sumartíma.

Íþróttaráð getur ekki orðið við ósk félagsins um að halda þeim merkingum sem félagið setti upp við Versalavelli á liðnu sumri.

Íþróttaráð samþykkir hinsvegar að félagið geti flaggað félagsfánum HK við vellina til að auka sýnileika félagsins á svæðinu. Er það í samræmi við tillögur vinnuhóps um merkingar á öðrum íþróttamannvirkjum Kópavogsbæjar.