Fyrirspurn vegna þjónustusamninga við íþróttafélög

Tekið fyrir erindi frá Gunnari Gylfasyni, dags. 11. október 2023, sem frestað var á síðasta fundi ráðsins. Í erindinu er óskað eftir svörum varðandi fyrirspurn um þjónustusamninga við íþróttafélögin.

Íþróttafulltrúi lagði fram upplýsingar og svör við fyrirspurn Gunnars Gylfasonar.

Gunnar Gylfason, fulltrúi Samfylkingar leggur fram eftirfarandi bókun.

"Þakka veitt svör. Breiðablik bað um leiðréttingu á þessum þjónustusamningum s.l. vor og óskaði eftir að tekið yrði meira tillit til stærðar félagins, fjölda deilda innan félagins, sem eru 12, og fjölda mannvirkja sem það rekur fyrir bæinn en því var hafnað og reikniaðferðum þjónustusamninga haldið óbreyttum. Því verða greiðslur bæjarins til Breiðabliks í þessum þjónustuframlögum á næsta ári 12.967 krónur á iðkanda, 15.834 krónur á iðkanda hjá Gerplu og 16.401 krónur á hvern iðkanda hjá HK".


Þar sem fulltrúi Samfylkingar var ekki á fundi ráðsins 28. september vísa Sverrir Kári Karlsson, Hildur Karen Sveinbjarnardóttir og Einar Örn Þorvarðarson í bókun frá 135. fundi ráðsins.

"Eftir ítarlega skoðun á rekstrar- og þjónustusamningum við íþróttafélögin telur íþróttaráð ekki ástæðu til að breyta þeirri aðferðafræði við útreikning framlags sem samningarnir byggja á í dag. Núverandi reikniregla vegna þjónustuframlags verður óbreytt en eftir sem áður geta félögin sent rökstudd gögn til íþróttadeildar vegna einstakra liða í rekstrarsamningum".

Lagt fram erindi frá Gunnari Gylfasyni, dags. 11. október 2023, þar sem óskað er eftir svörum varðandi fyrirspurn um þjónustusamninga við íþróttafélögin.

Frestað til næsta fundar.

Gunnar Gylfason, fulltrúi Samfylkingar leggur fram eftirfarandi bókun.



"Ég lýsi óánægju minni yfir því að svör við spurningum mínum hafi ekki verið tilbúin fyrir fundinn"