Ályktun miðstjórnar ASÍ um nýlega þróun í leikskólamálum

Mál sett á dagskrá að beiðni bæjarstjóra.

Lagt fram.

Bókun:

"Markmið með breytingum á skipulagi og starfsumhverfi leikskólanna er að skapa stöðugleika í leikskólastarfinu og tryggja velferð barna og starfsfólks í leikskólum bæjarins. Breytingunum er ætlað að hafa langtímaáhrif á þróun leikskólamála og þann djúpstæða vanda leikskólastigið stendur frammi fyrir, sem meðal annars felst í viðvarandi álagi á starfsfólk og hárri veikindatíðni.

Breytingarnar hafa farið vel af stað, ekki hefur þurft að koma til lokunar sökum veikinda, betur gengur að manna leikskóla og að sögn stjórnenda hefur dregið úr dvalartíma barna hefur dregið úr álagi og gæði þjónustunnar batnað til muna. Betri mönnun hefur m.a. leitt til opnunar nýrrar leikskóladeildar og fjölgunar leikskólaplássa.

Mikið samráð var haft við starfsfólk leikskóla, faglærða og ófaglærða, við mótun tillagna. Þá var einnig samráð við aðra hagaðila s.s. fulltrúa foreldra og stéttarfélaga. Almenn samstaða var að þessar breytingar væru nauðsynlegar til að byggja upp viðunandi starfs- og námsumhverfi á leikskólum.

Með breytingum á gjaldskrá Kópavogsbæjar var sérstök áhersla lögð á að standa vörð um að tekjulág heimili og tryggja að þau fái ekki á sig gjaldskrárhækkanir eftir breytingarnar.

Mikilvægt er að eiga gott og uppbyggilegt samtal um leikskólamálin því Kópavogsbær hefur mikinn metnað til að veita gott leikskólastarf.

Bæjarstjóri og sviðsstjóri menntasviðs lýsa sig tilbúnar til þess að eiga fund um þetta efni með miðstjórn ASÍ."

Ásdís Kristjánsdóttir bæjarstjóri

Orri V. Hlöðversson

Hjördís Ýr Johnson

Andri Steinn Hilmarsson