Göngu- og hjólastígar um botn Kópavogs. Deiliskipulag

Lagt fram erindi umhverfissviðs Kópavogsbæjar dags. 24. nóvember 2023 þar sem óskað er heimildar skipulagsráðs til að hefja vinnu við gerð deiliskipulags í botni Kópavogs þar sem fyrirhugað er að gera breytingar á núverandi stíg til að aðgreina umferð ganganda og hjólandi vegfarenda. Mörk svæðis í suðri eru við sveitarfélagsmörk Garðabæjar og Kópavogs og í norðri við undirgöng undir Hafnarfjarðarveg.

Birkir Rútsson, deildarstjóri gatnadeildar, gerði grein fyrir erindinu.

Skipulagsráð samþykkir að hafin verði vinna við gerð deiliskipulags fyrir göngu- og hjólastíg á ofangreindu svæði með sex atkvæðum Hjördísar Ýrar Johnson, Kristins D. Gissurarsonar, Andra Steins Hilmarssonar, Gunnars Sæs Ragnarssonar, Helgu Jónsdóttur og Hákonar Gunnarssonar. Theódóra S. Þorsteinsdóttir sat hjá við afgreiðslu málsins.

Bókun:

„Undirrituð árétta að Kópavogsbær á hvorki samgöngustefnu né hjólreiðaáætlun, og umferðaröryggisáætlun hefur ekki verið uppfærð frá árinu 2012. Mikilvægt er að úr þessu verði bætt sem fyrst, enda ætti með réttu að horfa til slíkra áætlana í vinnu við gerð göngu- og hjólastíga í bænum.“

Sigurbjörg Erla Egilsdóttir

Theodóra S. Þorsteinsdóttir

Helga Jónsdóttir

Hákon Gunnarsson