Skipulag hafnarsvæðis

Lagt fram erindi hafnarstjórnar dags. 9. nóvember 2023 um tillögur að breytingum á skipulagi hafnarinnar á Kársnesi.

Erindið var lagt fyrir hafnarstjórn þann 14. nóvember 2023. Hafnarstjórn vísaði tillögunni til skipulagsráðs.

Lagt fram. Tillögum hafnarstjórnar dags. 9. nóvember 2023 er vísað til yfirstandandi vinnu við mótun heildarsýnar fyrir þróunarsvæðið á Kársnesi.

Frá formanni og varaformanni hafnarstjórnar, dags.09.11.2023, lagðar fram eftirfarandi tillögur um breytingar á skipulagi hafnarinnar:

1. Suður/vestur kantur hafnarinnar, grjótgarðurinn, verði færður til vesturs og

suðurs um það bil 50 gráður (samkv.hjálagðri teikningu).

2. Austur og norðurkantur hafnarinnar þ.e. frá bátasvæðinu að legubakka verði

allur skilgreindur sem hluti hafnarsvæðisins, en góður kafli þessa svæðis heyrir

ekki undir höfnina í dag.

3. Steypt renna, sem er við hlið bryggjunnar sem afmarkar bátahöfnina frá annarri

starfsemi hafnarinnar, verði færð og komið fyrir á vesturkanti hafnarinnar.

4. Vesturhluti hafnarinnar sem er merktur VÞ21 á samþykktu skipulagi í dag og

er það svæði skilgreint fyrir verslun og þjónustu, verði endurskipulagt og verði

hluti af hafnarsvæðinu og sérstaklega skilgreint sem svæði fyrir fyrirtæki og

einstaklinga sem tengjast hafnarstarfsemi og tengdri þjónustustarfsemi.

Að öðru leyti er ekki lagðar til frekari breytingar á aðalskipulagi og deiliskipulagi

hafnarinnar eins og það er skilgreint í aðalskipulagi Kópavogs 2019 til 2040

Hafnarstjórn samþykkir að vísa tillögunum til skipulagsráðs.

Fulltrúi Vina Kópavogs í hafnarstjórn lagði fram bókun:

"Hafnarstjórn hefur það hlutverk að gæta hagsmuna hafnarinnar og sjá til þess að sérstaða hennar nýtist bæði atvinnulífi og mannlífi. Vinir Kópavogs hafa varað við því að rýra land hafnarinnar og takmarka svigrúm til athafna. Bæjarstjórn hefur samþykkt að vinna hverfisáætlun fyrir Kársnesið með sérstakri áherslu á hafnarsvæðið. Undirritaður telur mikilvægt að hafnarsvæðið sé stækkað á ný en skipulag þess á að vera hluti af heildarsýn fyrir Kársnesið."