Aðgerðir tengdar aðgerðaráætlun menntasviðs gegn ofbeldi

Erindi á dagskrá menntaráðs að beiðni Sigurbjargar E. Egilsdóttur

Farið yfir viðbrögð og forvarnir vegna ofbeldis og vopnaburðar í grunnskólum Kópavogs.

Amanda K. Ólafdóttir, deildarstjóri frístundadeildar og Ragnheiður Hermannsdóttir, deildarstjóri grunnskóladeildar gerðu grein fyrir viðbrögðum og forvörnum gegn ofbeldi af hálfu Kópavogsbæjar. Unnar Þór Bjarnason, samfélagslögga í Kópavogi sagði frá sínu starfi með börnum og ungmennum í grunnskólum Kópavogs.

Menntaráð leggur til að innleiðingu verkefnisins Opinskátt um ofbeldi í grunnskólum Kópavogs verði flýtt og hún hafin eins fljótt og unnt er á þessu skólaári. Verkefnið snýst meðal annars um að gera starfsfólk betur í stakk búið til að tala um ofbeldi og gera börnum kleift að fjalla um ofbeldi með hreinskiptinni umræðu og tryggja að börn viti af hjálp, t.d. með veggspjöldum í öllum skólum.

Aðgerðaáætlun gegn ofbeldi 2024-2030 lög fram til kynningar.

Lagt fram.