Arnarland í Garðabæ. Nýtt deiliskipulag. Umsagnarbeiðni.

Lögð fram að nýju umsagnarbeiðni frá Garðabæ dags. 28. nóvember 2024 vegna tillögu að nýju deiliskipulagi fyrir Arnarland í Garðabæ sem dagsett er 14. nóvember 2024.

Á fundi skipulagsráðs þann 2. desember 2024 var erindinu vísað til umsagnar skipulagsfulltrúa.

Þá lögð fram umsögn skipulagsfulltrúa dags. 17. janúar 2025.

Skipulags- og umhverfisráð samþykkir eftirfarandi bókun með fimm atkvæðum Hjördísar Ýrar Johnson, Kristins Dags Gissurarsonar, Andra Steins Hilmarssonar, Gunnars Sæs Ragnarssonar og Hákonar Gunnarssonar gegn atkvæðum Theódóru S. Þorsteinsdóttur og Kolbeins Reginssonar.

Breyting á Aðalskipulagi Garðabæjar 2016-2030 og deiliskipulag Arnarlands hafa tekið þó nokkrum breytingum frá fyrstu tillögum árið 2022 en á svæðinu hefur í aðalskipulagi Garðabæjar verið gert ráð fyrir byggð um þó nokkurt skeið. Kópavogsbær hefur komið athugasemdum og ábendingum sínum m.a. hvað umferðartengingar, byggingarmagn og veitukerfi varðar á framfæri við Garðabæ á öllum stigum málsins. Í framlagðri breyttri tillögu að deiliskipulagi er komið til móts við þær athugasemdir að einhverju leyti sbr. umsögn skipulagsfulltrúa dags. 17. janúar 2025.

Skipulags- og umhverfisráð leggur ríka áherslu á að í áframhaldandi vinnu við hönnun byggðar á svæðinu verði hugað sérstaklega að því að lágmarka útsýnisskerðingar fyrir nærliggjandi byggð og takmarka álag og rask á framkvæmdatíma. Einnig er bent á mikilvægi þess að umferðartenging undir Arnarnesveg til suðurs verði tekin í notkun samhliða uppbyggingunni og að fyrirhuguð lega Borgarlínu verði skoðuð nánar í samstarfi sveitarfélaganna og Betri samgangna.

Þá er mikilvægt að Garðabær og Kópavogur hefji sem fyrst það samstarf sem stefnt er að í drögum að viljayfirlýsingu um endurskoðuð sveitarfélagamörk svo unnt verði að tryggja heildstætt skipulag fyrir allt svæðið til framtíðar.

Bókun:

„Miðað við forsendur skipulagsins er gert ráð fyrir tímalínu Borgarlínu sem ólíklegt er að standist. Kalla ætti eftir viðbrögðum Garðabæjar og óska eftir að gerð verði grein fyrir því hvernig verði brugðist við hvað varðar umferðarþunga.“

Indriði Ingi Stefánsson.

Bókun:

„Undirrituð telur allt of mörgum spurningum ósvarað er varðar Arnarlandið þar sem hugmyndafræðin er samgöngumiðað skipulag.“

Theódóra S. Þorsteinsdóttir.

Lögð fram umsagnarbeiðni frá Garðabæ dags. 28. nóvember 2024 vegna tillögu að nýju deiliskipulagi fyrir Arnarland í Garðabæ sem dagsett er 14. nóvember 2024.

Arinbjörn Vilhjálmsson skipulagsstjóri Garðabæjar, Guðbjörg Brá Gísladóttir sviðsstjóri umhverfissviðs Garðabæjar og Jóhanna Helgadóttir skipulagsráðgjafi gerðu grein fyrir erindinu.

Vísað til umsagnar skipulagsfulltrúa.

Lögð fram umsagnarbeiðni frá Garðabæ dags. 7. júní 2024 um tillögu að deiliskipulagi Arnarlands. Deiliskipulagstillagan nær til 8,9 h svæðis sem í aðalskipulagi nefnist Arnarnesháls og afmarkast af Hafnarfjarðarvegi, Fífuhvammsvegi og Arnarnesvegi. Gert er ráð fyrir blandaðri byggð með 3-6 hæða fjölbýlishúsum ásamt atvinnu-, verslunar og/eða þjónustuhúsnæði næst Hafnarfjarðarvegi. Sérstök kennileitisbygging/atvinnuhúsnæði getur orðið allt að 8 hæðir. Tvær aðkomuleiðir eru að byggðinni, megin aðkoma að byggðinni er frá Fífuhvammsvegi en einnig er gert ráð fyrir undirgöngum undir Arnarnesveg frá Akrabraut fyrir akandi og gangandi/hjólandi umferð. Gert er ráð fyrir sér undirgöngum fyrir Borgarlínu við Hafnarfjarðarveg. Til móts við atvinnuhúsnæði fyrir miðju svæðisins er gert ráð fyrir verslunar- og/eða þjónusturými á jarðhæðum í tengslum við miðlægt torg þar sem m.a. er gert ráð fyrir biðstöð Borgarlínu. Á svæðinu er gert ráð fyrir u.þ.b. 500 íbúðum og u.þ.b. 40.000 m² af verslunar, skrifstofu og þjónusturými. Meginmarkmið skipulagsins er að leggja grunn að öflugu borgarumhverfi sem styður við svæðið sem samgöngumiðað svæði við samgöngu- og þróunarás. Helstu áherslur eru á starfsemi og uppbyggingu sem styður við virkan lífsstíl og blandaða byggð með þjónustu í nærumhverfinu og góða og skilvirka tengingu við megin umferðaæðar, stíga og opin svæði. Erindið var lagt fram á fundi skipulagsráðs þann 1. júlí 2024 á samt deiliskipulagsppdætti og skýringaruppdrætti í mkv.1:1500 og greinargerð dags. 29. maí 2024. Erindinu var vísað til umsagnar skipulagsdeildar.

Þá lögð fram umsögn skipulagsdeildar dags. 12. júlí 2024.

Lagt fram og kynnt. Skipulagsráð lýsir andstöðu við framlagða tillögu og vísar til umsagnar skipulagsdeildar dags. 12. júlí 2024. Jafnframt er vísað til fyrri bókana ráðsins þann 14. mars 2022, 3. júlí 2023 og 18. september 2023 og umsagna Kópavogsbæjar um tillöguna á fyrri stigum.

Lögð fram umsagnarbeiðni frá Garðabæ dags. 7. júní 2024 um tillögu að deiliskipulagi Arnarlands. Deiliskipulagstillagan nær til 8,9 h svæðis sem í aðalskipulagi nefnist Arnarnesháls og afmarkast af Hafnarfjarðarvegi, Fífuhvammsvegi og Arnarnesvegi.

Gert er ráð fyrir blandaðri byggð með 3-6 hæða fjölbýlishúsum ásamt atvinnu-, verslunar og/eða þjónustuhúsnæði næst Hafnarfjarðarvegi. Sérstök kennileitisbygging/atvinnuhúsnæði getur orðið allt að 8 hæðir. Tvær aðkomuleiðir eru að byggðinni, megin aðkoma að byggðinni er frá Fífuhvammsvegi en einnig er gert ráð fyrir undirgöngum undir Arnarnesveg frá Akrabraut fyrir akandi og gangandi/hjólandi umferð. Gert er ráð fyrir sér undirgöngum fyrir Borgarlínu við Hafnarfjarðarveg.

Til móts við atvinnuhúsnæði fyrir miðju svæðisins er gert ráð fyrir verslunar- og/eða þjónusturými á jarðhæðum í tengslum við miðlægt torg þar sem m.a. er gert ráð fyrir biðstöð Borgarlínu. Á svæðinu er gert ráð fyrir u.þ.b. 500 íbúðum og u.þ.b. 40.000 m² af verslunar, skrifstofu og þjónusturými. Meginmarkmið skipulagsins er að leggja grunn að öflugu borgarumhverfi sem styður við svæðið sem samgöngumiðað svæði við samgöngu- og þróunarás. Helstu áherslur eru á starfsemi og uppbyggingu sem styður við virkan lífsstíl og blandaða byggð með þjónustu í nærumhverfinu og góða og skilvirka tengingu við megin umferðaæðar, stíga og opin svæði.

Deiliskipulagsppdráttur og skýringaruppdráttur í mkv.1:1500 og greinargerð dags.29.05.2024.

Lagt fram. Vísað til umsagnar skipulagsdeildar.