Fyrirspurn nefndarmanna um fjölgun íbúða í Kópavogi á árunum 2020 til 2024.

Lagt er fram minnisblað skipulagsdeildar, dags. 15. nóvember 2024, uppfært 12. desember 2024, vegna fyrirspurnar nefndarmanna Hákonar Gunnarssonar, Helgu Jónsdóttur, Sigurbjargar E. Egilsdóttur og Theodóru S. Þorsteinsdóttur, dags. 21. október 2024, um fjölgun íbúða í Kópavogi ár hvert frá 2020 til 2024, fjölda íbúða í byggingu á skipulögðum reitum og fjölda áætlaðra íbúða í Auðbrekku, Fannborgarreit, Traðareit vestari og Glaðheimum vesturhluta.

Lagt fram.

Samþykkt að taka inn á dagskrá fundarins með afbrigðum fyrirspurn bæjarfulltrúa dags. 17. október 2024.

Lagt fram. Vísað til umsagnar umhverfissviðs.

Bókun:

„Í þessari fyrirspurn er aðeins óskað eftir upplýsingum um framtíðaruppbyggingu á ákveðnum svæðum í Kópavogi, og því myndi svar við henni ekki endurspegla að fullu þá vinnu sem á sér stað í sveitarfélaginu. Eðlilegt væri að horfa til fleiri svæða á borð við Vatnsendahlíð, Gunnarshólma og yfir Reykjanesbraut.

Því óska undirrituð eftir því að horft verði á Kópavog í heild hvað varðar íbúðir sem gert er ráð fyrir að komi á markað.“

Hjördís Ýr Johnson , Kristinn Dagur Gissurarsson, Gunnar Sær Ragnarsson og Sveinbjörn Sveinbjörnsson.