Arnarland í Garðabæ. Breyting á Aðalskipulagi Garðabæjar 2016-2030. Umsagnarbeiðni.

Lögð fram að nýju umsagnarbeiðni frá Garðabæ dags. 29. nóvember 2024 vegna tillögu að breytingu á Aðalskipulagi Garðabæjar 2016-2030. Gerðar eru breytingar á landnotkun úr verslunar- og þjónustusvæði í miðsvæði, legu stíga og Borgarlínu og staðsetningu undirganga undir Arnarnesveg.

Á fundi skipulagsráðs þann 2. desember var erindinu vísað til umsagnar skipulagsfulltrúa.

Þá lögð fram umsögn skipulagsfulltrúa dags. 17. janúar 2025.

Skipulags- og umhverfisráð samþykkir eftirfarandi bókun með fimm atkvæðum Hjördísar Ýrar Johnson, Kristins Dags Gissurarsonar, Andra Steins Hilmarssonar, Gunnars Sæs Ragnarssonar og Hákonar Gunnarssonar gegn atkvæðum Theódóru S. Þorsteinsdóttur og Kolbeins Reginssonar.

Breyting á Aðalskipulagi Garðabæjar 2016-2030 og deiliskipulag Arnarlands hafa tekið þó nokkrum breytingum frá fyrstu tillögum árið 2022 en á svæðinu hefur í aðalskipulagi Garðabæjar verið gert ráð fyrir byggð um þó nokkurt skeið. Kópavogsbær hefur komið athugasemdum og ábendingum sínum m.a. hvað umferðartengingar, byggingarmagn og veitukerfi varðar á framfæri við Garðabæ á öllum stigum málsins. Í framlagðri breyttri tillögu að breytingu á aðalskipulagi er komið til móts við þær athugasemdir að einhverju leyti sbr. umsögn skipulagsfulltrúa dags. 17. janúar 2025.

Bókun:

„Undirrituð telur allt of mörgum spurningum ósvarað er varðar Arnarlandið þar sem hugmyndafræðin er samgöngumiðað skipulag.“

Theódóra S. Þorsteinsdóttir.

Lögð fram umsagnarbeiðni frá Garðabæ dags. 29. nóvember 2024 vegna tillögu að breytingu á Aðalskipulagi Garðabæjar 2016-2030. Gerðar eru breytingar á landnotkun, legu stíga, Borgarlínu og staðsetningu undirganga undir Arnarnesveg.

Arinbjörn Vilhjálmsson skipulagsstjóri Garðabæjar, Guðbjörg Brá Gísladóttir sviðsstjóri umhverfissviðs Garðabæjar og Jóhanna Helgadóttir skipulagsráðgjafi gerðu grein fyrir erindinu.

Vísað til umsagnar skipulagsfulltrúa.